തിരുവല്ല : സംസ്ഥാനത്തു നടന്ന സ്വർണ കള്ളക്കടത്തും അതിനു മുഖ്യ മന്ത്രിയുടെ ഓഫിസിനുള്ള പങ്കും സി.ബി.ഐ അന്വേഷിക്കണമെന്ന് ആവശ്യപ്പെട്ടുകൊണ്ട് യു.ഡി.എഫ് ഇരവിപേരൂർ മണ്ഡലം കമ്മിറ്റിയുടെ നേതൃത്വത്തിൽ ഇരവിപേരൂർ പഞ്ചായത്ത് ഓഫിസിനു മുൻപിൽ നടത്തിയ ധര്ണ്ണ ജോർജ്ജ് മാമ്മൻ കൊണ്ടുർ ഉദ്ഘാടനം ചെയ്തു.
യു.ഡി.എഫ് മണ്ഡലം കൺവീനർ സുനിൽ മറ്റത്ത് അധ്യക്ഷത വഹിച്ചു. കെ രഘുനാഥൻ, സത്യൻ ഓതറ, ഗോപി മോഹനൻ, കേരള കോൺഗ്രസ് എം ഇരവിപേരൂർ മണ്ഡലം പ്രസിഡന്റ് റജി കുന്നുംപുറത്ത്, മുസ്ലിം ലീഗ് നേതാവ് സുനിൽ കുമാർ, അനിൽ ബാബു, വർക്കി ഉമ്മൻ , അനീഷ് വി ചെറിയാൻ, മാത്യു എബ്രഹാം, എസ് കെ പ്രദീപ് കുമാർ, കെ.എൻ രവീന്ദ്രൻ എന്നിവർ പ്രസംഗിച്ചു.
