കാലടി : ശ്രീ ശങ്കരാചാര്യ സംസ്കൃത സർവ്വകലാശാലയുടെ കൊയിലാണ്ടി പ്രാദേശിക കാമ്പസിൽ യു ജി സി ധനസഹായത്തോടെ സംഘടിപ്പിക്കുന്ന സെമിനാർ മാർച്ച് 10ന് നടക്കും. ‘2047ലെ ഭാരതത്തെക്കുറിച്ചുളള ദർശനം’ എന്ന വിഷയത്തിൽ നടക്കുന്ന സെമിനാർ പ്രൊഫ.ടി.പി കുഞ്ഞിക്കണ്ണൻ ഉദ്ഘാടനം ചെയ്യും. കാമ്പസ് ഡയറക്ടർ ഡോ. പുഷ്പദാസൻ കുനിയിൽ അധ്യക്ഷനായിരിക്കും. ഡോ.ജയരാജ് യു കിടാവ് (ശാസ്ത്രജ്ഞൻ, എൻ. ഐ. ഇ. എൽ. ഐ. ടി., കോഴിക്കോട്), ഡോ.എം.സി അബ്ദുൾ നാസർ, ഡോ.കെ.പി ജയകുമാർ, ഗോപിനാഥൻ കെ. എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും. ഡോ.ജി.രഘുകുമാർ, ടി.നാരായണൻ, ഡോ.മഞ്ജു.കെ., ഡോ.അഷ്റഫ്.എം., ഡോ.ടി.എസ് നിഷാദ്, ഡോ.സുജയ് കുമാർ സി.കെ, ഡോ.ഇ.സുരേഷ് ബാബു. ഡോ.ഷീന സി.വി, ഡോ.സ്മിജ പി.എം, പ്രൊഫ.മൂസ എം, ഡോ.സംഗീത.കെ., ഡോ.ഖമറുന്നീസ.കെ., ഡോ.മഹിമ.ടി, ഡോ.വി.അബ്ദുൾ ലത്തീഫ്, ദിനേശൻ പോക്കിരന്റവിട എന്നിവർ പ്രസംഗിക്കും.
