കൊച്ചി : സ്ത്രീകളെ അപമാനിക്കുന്ന ഭരണകൂടമാണ് കേരളത്തിലേതെന്ന് തൃക്കാക്കരയിലെ യുഡിഎഫ് സ്ഥാനാര്ത്ഥി ഉമാ തോമസ്. നടിക്ക് നീതി കിട്ടാന് പി.ടി തോമസ് നടത്തിയ പോരാട്ടം തുടരുമെന്നും ഉമാ തോമസ് പറഞ്ഞു. ഇടതുമുന്നണിയുടെ സ്ത്രീപക്ഷ നിലപാട് കാപട്യമാണെന്ന് തെളിഞ്ഞുവെന്നും തൃക്കാക്കരയിലെ സ്ത്രീകള് സര്ക്കാരിനെതിരെ വോട്ട് ചെയ്യുമെന്നും ഉമാ തോമസ് കൂട്ടിച്ചേര്ത്തു. അതേസമയം, നടിയെ ആക്രമിച്ച കേസില് അതിജീവിത കോടതിയെ സമീപിക്കാന് ഉണ്ടായ സാഹചര്യം അറിയില്ലെന്ന് മന്ത്രി പി.രാജീവ് പറഞ്ഞു.
അതിജീവിതയെ സഹായിക്കുന്ന നിലപാടാണ് സര്ക്കാര് സ്വീകരിച്ചത്. കോടതിയുടെ പരിഗണനയില് ആയതിനാല് ഇക്കാര്യത്തില് കൂടുതല് പ്രതികരണത്തിനില്ലെന്നും പി.രാജീവ് കൊച്ചിയില് പറഞ്ഞു. കോടതിയെ സമീപിക്കാനുള്ള സ്വാതന്ത്ര്യം അതിജീവിതയ്ക്കുണ്ട്. സര്ക്കാര് നിലപാടില് വ്യക്തതയുണ്ടെന്നും പി.രാജീവ് കൂട്ടിച്ചേര്ത്തു.