കൊച്ചി : കെ ഫോണ് പദ്ധതി കരാറിന് യുണീടാക് ശ്രമിച്ചിരുന്നുവെന്ന് കണ്ടെത്തി. യുണീടാക് എനര്ജി സൊല്യൂഷന്സിന്റെ പേരിലാണ് പങ്കെടുത്തിരുന്നത്. സന്തോഷ് ഈപ്പന്റെ ടെലകോം മേഖലയിലെ സ്ഥാപനമാണ് ഇത്. യുണീടാകിനെ എത്തിക്കാന് ശ്രമിച്ചത് ശിവശങ്കറും സ്വപ്നയുമാണെന്ന് എന്ഫോഴ്സ്മെന്റ് വ്യക്തമാക്കി.
പ്രതികള് വന്തുക കമ്മീഷന് കണക്കു കൂട്ടിയിരുന്നെന്നും പദ്ധതി ലാഭകരമല്ലെന്ന് കണ്ട് യുണീടാക് ഒടുവില് പിന്മാറുകയായിരുന്നുവെന്നും എന്ഫോഴ്സ്മെന്റ് ഡയറക്ടറേറ്റ് അറിയിച്ചു. കെ ഫോണ് കരാര് നേടിയ സ്ഥാപനത്തിന് കീഴിലെ ഒരു കമ്ബനിയില് സ്വപ്നയുടെ ബന്ധുവിന് ജോലി ഏര്പ്പാടാക്കിയിട്ടുണ്ടായിരുന്നു. ഇയാള്ക്ക് ജോലി വാങ്ങി നല്കിയത് ശിവശങ്കറാണെന്നും ഡയറക്ടറേറ്റ് അറിയിച്ചു. ഇക്കാര്യത്തില് അന്വേഷണം നടത്തുകയാണെന്നും ഇ.ഡി വ്യക്തമാക്കി.
