കൊച്ചി:ഒരേ ദിവസം രണ്ട് സര്വ്വകലാശാലാ പരീക്ഷകള് നടത്തുവാനുള്ള നടപടികള്ക്കെതിരെ എം എസ് എഫ് ദേശീയ കമ്മിറ്റി ഹൈക്കോടതിയില് ഹര്ജി സമര്പ്പിച്ചു. ഹര്ജിയില് സര്വ്വകലാശാല അധികൃതര് നാളെ വിശദീകരണം നല്കണമെന്ന് ഹൈക്കോടതി. പോണ്ടിച്ചേരി സര്വ്വകലാശാലയിലേക്കുള്ള പ്രവേശന പരീക്ഷയും സെന്ട്രല് യൂണിവേഴ്സിറ്റികളിലേക്കുള്ള പൊതു പ്രവേശന പരീക്ഷയും ഒരേ ദിവസം നടത്തുന്നതിനെതിരെയാണ് എം എസ് എഫ് ഹര്ജി നല്കിയത്. സെപ്തംബര് 18, 19, 20 തീയതികളില് ഇരു പരീക്ഷകളും നടത്തുന്നത് വിദ്യാര്ത്ഥികളെ മനസികമായി തകര്ക്കുന്നതിനേ ഉപകരിക്കു എന്ന് ഹര്ജിയില് ചൂണ്ടിക്കാട്ടി.
വിദ്യാര്ത്ഥികള്ക്ക് കേരളത്തില് ഒരു സെന്റര് പോലും അനുവദിക്കാതെ 350 കിലോമീറ്റര് ദൂരത്തുള്ള ബെംഗളൂരില് സെന്റര് അനുവദിച്ചത് ഭരണഘടന അനുവദിച്ചിട്ടുള്ള അവകാശങ്ങളുടെ ലംഘനമാണെന്ന് ഹര്ജിയില് ചൂണ്ടിക്കാട്ടി. എം എസ് എഫ് ദേശീയ പ്രസിഡന്റ് ടിപി അഷറഫലി, ജനറല് സെക്രട്ടറി പി വി അഹമ്മദ് സാജു, പരീക്ഷ എഴുതുന്ന വിദ്യാര്ത്ഥികള് എന്നിവര് അഡ്വ.ഹാരിസ് ബീരാന് മുഖേനയാണ് ഹര്ജി സമര്പ്പിച്ചത്. ഹര്ജിയില് പോണ്ടിച്ചേരി സര്വ്വകലാശാലയോടും സെന്ട്രല് യൂണിവേഴ്സിറ്റി അധികൃതരോടും നാളെ വിശദീകരണം നല്കാന് ഹൈക്കോടതി ഉത്തരവിട്ടു.
