ന്യൂഡല്ഹി: ഇന്ത്യന് വ്യവസായി ഗൗതം അദാനിക്കെതിരായ യുഎസിലെ കേസ് റദ്ദാക്കണമെന്ന തീരുമാനത്തിലുറച്ച് ഡിപ്പാര്ട്ട്മെന്റ് ഓഫ് ജസ്റ്റിസ്. കേസില് പ്രോസിക്യൂഷന് നിയമപരമായി ദുര്ബലമാണെന്നും ഡിപ്പാര്ട്ട്മെന്റ് ഓഫ് ജസ്റ്റിസ് യുഎസ് കോടതിക്ക് നല്കിയ റിപ്പോര്ട്ടില് ചൂണ്ടിക്കാട്ടിയിട്ടുണ്ട്. കേസുമായി ബന്ധപ്പെട്ട പല സംഭവങ്ങളും നടന്നത് ഇന്ത്യയിലാണ്. സാക്ഷികളില് ഭൂരിഭാഗവും ഇന്ത്യയിലാണെന്നും ഡിപ്പാര്ട്ട്മെന്റ് ഓഫ് ജസ്റ്റിസ് നല്കിയ റിപ്പോര്ട്ടില് ചൂണ്ടിക്കാട്ടുന്നു. വിശദമായ പരിശോധനക്കൊടുവിലാണ് കേസ് റദ്ദാക്കാന് ശിപാര്ശ നല്കിയതെന്നും പെട്ടെന്നെടുത്ത തീരുമാനമല്ല ഇതെന്നും ഡിപ്പാര്ട്ട്മെന്റ് ഓഫ് ജസ്റ്റിസ് ചൂണ്ടിക്കാട്ടിയിട്ടുണ്ട്. ഇന്ത്യയിലെ ചിലര് ഇന്ത്യയിലെ മറ്റുചിലര്ക്ക് വൈദ്യുതി കരാറിന് വേണ്ടി കൈക്കൂലി കൊടുത്തുവെന്നാണ് കേസ്.
ഇക്കാര്യത്തില് യുഎസ് അന്വേഷണം നടത്തുന്നത് നയതന്ത്ര ബന്ധത്തെ ഉള്പ്പടെ ബാധിക്കുമെന്നും ഡിപ്പാര്ട്ട്മെന്റ് ഓഫ് ജസ്റ്റിസ് ചൂണ്ടിക്കാട്ടിയിട്ടുണ്ട്. ഇതുമായി ബന്ധപ്പെട്ട് ഇന്ത്യന് ഏജന്സികള് അന്വേഷണം നടത്തിയതാണെന്നും എന്നാല്, തെളിവുകള് കണ്ടെത്താത്തിനാല് തുടര് നടപടികള് വേണ്ടെന്ന് വെക്കുകയായിരുന്നുവെന്നും യുഎസ് ജസ്റ്റിസ് ഡിപ്പാര്ട്ട്മെന്റ് ചൂണ്ടിക്കാട്ടിയിട്ടുണ്ട്.
