ന്യൂഡല്ഹി: മുഖ്യമന്ത്രിയുടെയും കൂട്ടാളികളുടെയും പിന്തുണയോടെ സ്വര്ണ്ണക്കടത്ത് നടക്കുന്നത് ഇതാദ്യമാണെന്ന് കേന്ദ്ര വിദേശകാര്യ സഹമന്ത്രി വി മുരളീധരന്. കോടിയേരിയ്ക്ക് ചുട്ട മറുപടി നല്കുകയായിരുന്നു വി മുരളീധരന്. താന് സംശയത്തിന്റെ നിഴലിലാണെങ്കില് കോടിയേരി ആശങ്കപ്പെടേണ്ട. കോടിയേരി നോക്കേണ്ടത് സ്വന്തം പാര്ട്ടിയുടെ കാര്യമാണെന്ന് വി മുരളീധരന്.
നയതന്ത്ര ചാനല് വഴിയാണ് സ്വര്ണ്ണക്കടത്ത് നടന്നത്. ഇംഗ്ലീഷ് വായിച്ച് മനസിലാക്കാന് അറിയാത്തവരെ ഉപദേശകരാക്കിയാലുള്ള അനുഭവമാണ് കോടിയേരിയ്ക്ക് വീണ്ടും ഉണ്ടായതെന്നും വി മുരളീധരന് പറഞ്ഞു. കാസര്കോഡ് ബിജെപി ജില്ലാ ഓഫീസ് ഉദ്ഘാടന പരിപാടിയില് ഓണ്ലൈനായി സംസാരിക്കുകയായിരുന്നു അദ്ദേഹം.
മുഖ്യമന്ത്രിയുടെ ഓഫീസിനെ രക്ഷിക്കാന് ശ്രമിക്കുമ്പോള് സ്വര്ണ്ണക്കടത്തുകാരിയുടെ വാദമാണ് ഉന്നയിക്കുന്നത്. തരംതാണ ശ്രമങ്ങളില് നിന്നും സര്ക്കാരും പാര്ട്ടിയും പിന്മാറണം. കേരളാ പോലീസിന്റെ സംഘം എന്ഐഎയെ സഹായിക്കുകയാണ് വേണ്ടതെന്ന് മനസിലാക്കണമെന്നും വി മുരളീധരന് പറഞ്ഞു.
