മലപ്പുറം : സില്വര് ലൈന് പദ്ധതി അപ്രായോഗികമാണെന്നും സില്വര് ലൈനിനുള്ള ബദല് നിര്ദേശങ്ങള് റയില്വേ വകുപ്പിന് സമര്പ്പിക്കുമെന്നും കേന്ദ്ര മന്ത്രി വി.മുരളീധരന്. മെട്രോമാന് ഇ. ശ്രീധരനുമായി പൊന്നാനിയിലെ വീട്ടില് കൂടിക്കാഴ്ച നടത്തിയ ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. ഹ്രസ്വ – ദീര്ഘകാല പദ്ധതിക്കായുള്ള നിര്ദ്ദേശങ്ങളാണ് സമര്പ്പിക്കുക. നടപ്പിലാക്കാന് സാധിക്കാത്ത പദ്ധതി നടപ്പിലാക്കുമെന്ന് ആവര്ത്തിച്ച് സംസ്ഥാന സര്ക്കാര് പറയുന്നത് റിയല് എസ്റ്റേറ്റ് മാഫിയയെ സഹായിക്കാനാണോ എന്ന് സംശയിക്കേണ്ടിയിരിക്കുന്നുവെന്നും മുരളീധരന് പറഞ്ഞു.
