തിരുവനന്തപുരം: എം ബി രാജേഷ് മന്ത്രിയാകുന്നതോടു കൂടി സ്പീക്കര് പദവി തേടി എത്തിയിരിക്കുന്നത് തലശ്ശേരി എം.എല്.എ എ എന് ഷംസീറിനെയാണ്. എം വി ഗോവിന്ദന് സിപിഎം സംസ്ഥാന സെക്രട്ടറിയായി തെരഞ്ഞെടുക്കപ്പെട്ടതോടെയാണ് മന്ത്രിസഭയില് മാറ്റത്തിന് കളമൊരുങ്ങിയത്. മന്ത്രിസഭയിലേക്ക് ഷംസറിന്റെ പേരാണ് ആദ്യം ഉയര്ന്നുകേട്ടതെങ്കിലും എം ബി രാജേഷിലേക്ക് എത്തുകയായിരുന്നു. എം വി ഗോവിന്ദന്റെ ഒഴിവില് കണ്ണൂരിന്റെ പ്രാതിനിധ്യം ഉറപ്പാക്കുക എന്ന ലക്ഷ്യത്തോടെയാണ് ഷംസീറിനെ സ്പീക്കര് ആക്കുന്നതോടെ സിപിഎം ലക്ഷ്യമിടുന്നത്. മുന് സംസ്ഥാന സെക്രട്ടറി കോടിയേരി ബാലകൃഷ്ണന്റെ താല്പര്യം കൂടി ഷംസീറിന്റെ കാര്യത്തില് കണക്കിലെടുത്തിട്ടുണ്ടെന്നാണ് അറിവ്.
