കോന്നി : 2026 -2027 അക്കാദമിക പ്രവർത്തനങ്ങൾക്ക് തുടക്കം കുറിച്ച് കോന്നി ഗവ. ഹയർ സെക്കൻഡറി സ്കൂളില് അവധിക്കാല അധ്യാപക സംഗമo ആരംഭിച്ചു. കോന്നി ഉപജില്ലയിലെ വിദ്യാലയങ്ങളിൽ നിന്നും 264 അധ്യാപകർ മെയ് 22,23 തീയതികളിൽ നടക്കുന്ന പരിശീലനത്തിൽ പങ്കെടുക്കുന്നു. മാറിയ പാഠപുസ്തകങ്ങളെ പരിചയപ്പെടുത്തുന്ന പരിശീലനം കോന്നി പഞ്ചായത്ത് പ്രസിഡന്റ് റോജി എബ്രഹാം ഉദ്ഘാടനം ചെയ്തു. വാർഡ് മെമ്പർ ഇന്ദുകല അദ്ധ്യക്ഷത വഹിച്ചു. ജില്ലാ പഞ്ചായത്ത് സന്തോഷ് കുമാർ മുഖ്യ പ്രഭാഷണം നടത്തി.
ബ്ലോക്ക് പഞ്ചായത്ത് മെമ്പർ ഗീത, കോന്നി പഞ്ചായത്ത് വിദ്യാഭ്യാസ സ്റ്റാന്റിഗ് കമ്മറ്റി ചെയർമാൻ അനിത ബിജു, പി.റ്റി.എ പ്രസിഡന്റ് അഡ്വ.പേരൂർ സുനിൽ, കോന്നി ജി.ച്ച്.എസ്.എസ് പ്രിൻസിപ്പൽ ജി.സന്തോഷ് കുമാർ, കോന്നി ബ്ലോക്ക് റിസോഴ്സ് സെന്റര് ബി.പി.സി ഇന് ചാര്ജ്ജ് ഭദ്രാശങ്കർ എന്, ബൻസിലാൽ, കോന്നി ജി.എച്ച്.എസ്.എസ് ഹെഡ് മിസ്ട്രസ് ഫെബിൻ എന്നിവര് സംസാരിച്ചു.
