മല്ലപ്പള്ളി : എസ്.എൻ. ഡി.പി യോഗത്തെ തകർക്കാൻ ശ്രമിക്കുന്നവർ യോഗത്തിന്റെ പേരിൽസ്വന്തം കീശ വീർപ്പിക്കുവാൻ ശ്രമിച്ചവരാണെന്ന് യോഗം അസി.സെക്രട്ടറി വനജ വിദ്യാധരൻ അഭിപ്രായപ്പെട്ടു. മല്ലപ്പള്ളിയിൽ നടന്ന മേഖല സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അവര്. ശ്രീനാരണ ദർശനങ്ങളുടെ പ്രസക്തിയെ കുറിച്ചും സംഘടന പ്രവർത്തനങ്ങളെപ്പറ്റിയും കൂടതല് അറിയണമെന്നും അവര് ചൂണ്ടിക്കാട്ടി. യോഗത്തിൽ തിരുവല്ല എസ്.എൻ.ഡി.പി. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിച്ചു.
യൂണിയൻ സെക്രട്ടറി അനിൽ എസ് ഉഴത്തിൽ ആമുഖ പ്രസംഗം നടത്തി. യോഗം ഇൻപെക്ടിംഗ് ഓഫീസർ എസ്. രവീന്ദ്രൻ എഴുമറ്റൂർ മുഖ്യപ്രഭാഷണം നടത്തി. യൂണിയൻ വൈ: പ്രസിഡന്റ് കെ .ജി ബിജു, കൗസിലറുമാരായ ബിജു മേത്താനം, രാജേഷ് മേപ്രാൽ, പ്രസന്നകുമാർ, മനോജ് ഗോപാൽ, സരസൻ റ്റി.ജെ, അനിൽ ചക്രപാണി, പഞ്ചായത്ത് കമ്മറ്റിയംഗം കെ.എൻ രവീന്ദ്രൻ , വനിതാ സംഘം പ്രസിഡന്റ സുമാ സജികുമാർ, സെക്രട്ടറി സുധാഭായ് ബ്രഹ്മാനന്ദൻ കുമാരി സംഘം കോർഡിനേറ്റർ ശോഭ ശശിധരൻ , യൂത്ത്മൂവ്മെന്റ് പ്രസിഡന്റ് വിശാവ് പി.സോമൻ , സെക്രട്ടറി സൂര്യകിരൺ വൈദീകയോഗം സെക്രട്ടറി സുജിത്ത് ശാന്തി, ശാഖാ പ്രസിഡന്റ് ഗീരീഷ് മല്ലപ്പള്ളി, സെക്രട്ടറി ഷൈലജ മനോജ് എന്നിവര് പ്രസംഗിച്ചു.
