കുമ്പഴ : ലോക വയോജന ദിനത്തിന്റെ ഭാഗമായി പത്തനംതിട്ട വയോമിത്രം പദ്ധതിയുടെ നേതൃത്വത്തിൽ പതിനെട്ടാം വാർഡ് പ്ലാവേലി വയോജന ക്ലബിൽ വിവിധ പരിപാടികൾ സംഘടിപ്പിച്ചു. ജീവിത സായാഹ്നത്തിൽ ഒറ്റപ്പെട്ടു പോകുന്ന വയോജനങ്ങൾക്ക് സ്നേഹവും കരുതലും കൈത്താങ്ങും നല്കുകയെന്ന ലക്ഷ്യത്തോടെ ആവിഷ്കരിച്ചതാണ് വയോമിത്രം പദ്ധതി.
വാർഡ് കൗൺസിലർ സുജ അജി അദ്ധ്യക്ഷത വഹിച്ച യോഗം ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാൻ ജെറി അലക്സ് ഉദ്ഘാടനം ചെയ്തു. വയോജന ക്ലബ് അംഗം റവ. പി.ജി മാത്യൂ, കുടുംബശ്രീ ചെയർപേഴ്സൺ പൊന്നമ്മ ശശി എന്നിവർ ആശംസകളർപ്പിച്ചു. ക്ലബ്ബിലെ മുതിർന്ന അംഗങ്ങളെ ആദരിച്ചു.
കമ്മ്യൂണിറ്റി കൗൺസിലർ രാജു എം നായർ വാർദ്ധക്യകാലം സുന്ദരമാക്കാം എന്നതിനെ ആസ്പദമാക്കി ആക്റ്റിവിററിയും എന്റർടെയ്ൻമെന്റ് പരിപാടിയും നടത്തി.
