തിരുവനന്തപുരം: ബ്രഹ്മപുരം തട്ടിപ്പില് മുഖ്യമന്ത്രിയോട് ചോദ്യങ്ങളുമായി പ്രതിപക്ഷ നേതാവ് വി.ഡി. സതീശന്. ് ഏഴ് ചോദ്യങ്ങള്ക്കും മുഖ്യമന്ത്രി മറുപടി പറഞ്ഞേ മതിയാകൂ എന്ന് അദ്ദേഹം പറഞ്ഞു. ബ്രഹ്മപുരത്തെ ബയോ മൈനിങ്ങിനായി കരാര് നല്കിയ സോണ്ട കമ്പനി ഗുരുതര വീഴ്ച വരുത്തിയിട്ടും കരാര് പ്രകാരമുള്ള നോട്ടീസ് നല്കാത്തത് എന്തുകൊണ്ട്?, കരാര് വ്യവസ്ഥക്ക് വിരുദ്ധമായി സോണ്ട കമ്പനി ഉപകരാര് നല്കിയത് സര്ക്കാരോ കൊച്ചി കോര്പറേഷനോ അറിഞ്ഞിരുന്നോ?, കരാര് പ്രകാരം പ്രവര്ത്തിച്ചില്ലെന്ന് വ്യക്തമായതിന് ശേഷവും നോട്ടീസ് നല്കുന്നതിന് പകരം സോണ്ടക്ക് 7 കോടിയുടെ മൊബൈലൈസേഷന് അഡ്വാന്സും പിന്നീട് 4 കോടി രൂപയും അനുവദിച്ചത് എന്തിന്? കമ്പനിയും സി.പി.എമ്മും തമ്മിലുള്ള ബന്ധം എന്താണ്, എന്നിങ്ങനെയാണ് ചോദ്യങ്ങള്.
ചോദ്യങ്ങളെയും വിമര്ശനങ്ങളെയും ഭയന്നാണ് നിയമസഭ പോലും ഗില്ലറ്റിന് ചെയ്ത് മുഖ്യമന്ത്രി ഓടിയതെന്നും പ്രതിപക്ഷ നേതാവ് പറയുന്നു. ബ്രഹ്മപുരത്ത് ഒരു കോണ്ഗ്രസ് നേതാവിനും പങ്കില്ല. ഞങ്ങള് മാത്രമല്ല നിങ്ങളും കൂടിയാണ് കട്ടതെന്ന് വരുത്താനാണ് ഈ പ്രചരണമെന്നും അദ്ദേഹം പറയുന്നു.
