കൊച്ചി: തൃക്കാക്കരയില് മികച്ച മുന്നൊരുക്കം നടത്താനായെന്ന് പ്രതിപക്ഷ നേതാവ് വി ഡി സതീശന്. എല്ലാ മുതിര്ന്ന നേതാക്കളുമായി ആലോചിച്ച ശേഷമാണ് സ്ഥാനാര്ത്ഥിയായി ഉമ തോമസിനെ പ്രഖ്യാപിച്ചതെന്നും അദ്ദേഹം പറഞ്ഞു. ‘നേരത്തെ തന്നെ തൃക്കാക്കരയില് പ്രവര്ത്തനം ആരംഭിച്ചു. തുടക്കത്തില് കുറച്ച് പേര്ക്ക് അതൃപ്തിയുണ്ടായിരുന്നെങ്കിലും അതെല്ലാം ചര്ച്ച ചെയ്ത് മാറ്റി.
സഹതാപ വോട്ടെന്ന വാക്കിന് ഇവിടെ പ്രസക്തി ഇല്ല. നല്ലൊരു സ്ഥാനാര്ത്ഥിയെ ഞങ്ങള് അവതരിപ്പിച്ചു എന്നതാണ്. ഉമ തോമസ് നല്ലൊരു സ്ഥാനാര്ത്ഥിയാണ്. ഏറ്റവും നന്നായി ആളുകളോട് ആശയവിനിമയം നടത്തുന്നയാളാണ്. പി ടി തോമസിനേക്കാള് മികച്ച ഭൂരിപക്ഷത്തില് ഉമ തോമസ് ജയിക്കുമെന്നും വി ഡി സതീശന് പറഞ്ഞു. 2021ലെ തെരഞ്ഞെടുപ്പില് 14,392 വോട്ടിന്റെ ഭൂരിപക്ഷത്തിലാണ് പി ടി തോമസ് ജയിച്ചത്.