തിരുവനന്തപുരം : ആരുടെ ബാഹ്യ സമ്മര്‍ദ്ദത്തിലാണ് സ്ഥാനാര്‍ത്ഥിയെ തീരുമാനിച്ചതെന്ന് സിപിഎം വ്യക്തമാക്കണമെന്ന് പ്രതിപക്ഷ നേതാവ് വി.ഡി സതീശന്‍. എന്ത് രാഷ്ട്രീയ പോരാട്ടത്തിനുള്ള സ്ഥാനാര്‍ത്ഥിയെയാണ് സിപിഎം അവതരിപ്പിച്ചിരിക്കുന്നതെന്നും ഇതുകൊണ്ട് മുന്നേറാന്‍ കഴിയുമെന്ന് തോന്നുണ്ടോ എന്നും വി.ഡി സതീശന്‍ ചോദിച്ചു.
സിപിഎം എവിടെ എത്തി നില്‍ക്കുന്നു എന്ന് ആത്മപരിശോധന നടത്തണം. പാര്‍ട്ടി സ്ഥാനാര്‍ത്ഥിയുടെ തലയ്ക്കു മീതെ എങ്ങനെയാണ് മറ്റൊരു സ്ഥാനാര്‍ത്ഥി വന്നത്. ബാഹ്യ സമ്മര്‍ദ്ദം ഉണ്ടായി എന്നത് അങ്ങാടിപ്പാട്ടാണ്. ഉമയെ യുഡിഎഫ് സ്ഥാനാര്‍ത്ഥിയാക്കിയപ്പോള്‍ പരിഹസിച്ച സിപിഎം എവിടെ എത്തി നില്‍ക്കുന്നു എന്ന് ചിന്തിക്കണമെന്നും സതീശന്‍ പറഞ്ഞു. അതേസമയം തെരഞ്ഞെടുപ്പില്‍ ജോ ജോസഫിനെ തങ്ങള്‍ അനുകൂലിക്കില്ലെന്ന നിലപാടുമായി അങ്കമാലി അതിരൂപത രംഗത്തെത്തിയിട്ടുണ്ട്.
