തിരുവനന്തപുരം : സര്വകലാശാലകളെ സര്ക്കാര് പാര്ട്ടി ഓഫീസുകളാക്കി മാറ്റുകയാണെന്ന് പ്രതിപക്ഷ നേതാവ് വി.ഡി സതീശന്. വാക്കൗട്ട് പ്രസംഗത്തിലാണ് പ്രതിപക്ഷ നേതാവിന്റെ വിമര്ശനം. മികവിന്റെ കേന്ദ്രമാകേണ്ട സര്വകലാശാലകളെ സ്വന്തം പാര്ട്ടിക്കാരെയും ഇഷ്ടക്കാരെയും പിന്വാതിലിലൂടെ നിയമിക്കാനുള്ള ലാവണങ്ങളാക്കി മാറ്റിയിരിക്കുന്നതാണ് അടിയന്തിര പ്രമേയ നോട്ടീസിലൂടെ പ്രതിപക്ഷം ചൂണ്ടിക്കാട്ടിയത്. കേരളത്തിലെ എല്ലാ ദിവസത്തെയും വാര്ത്തകളിലൊന്ന് പിന്വാതില് നിയമനങ്ങളെ കുറിച്ചാണ്. പാര്ട്ടിയുമായി ബന്ധമില്ലാത്തവരെ ഒരു സര്വകലാശാലകളിലും നിയമിക്കാത്ത അവസ്ഥയാണ് നിലനില്ക്കുന്നതെന്നും പ്രതിപക്ഷ നേതാവ് പറഞ്ഞു.
പാര്ട്ടിക്കാരെ നിയമിക്കുന്നതിന് വേണ്ടി മാനദണ്ഡങ്ങള് സൗകര്യം പോലെ മാറ്റുകയാണ്. ഇതിലൂടെ അര്ഹരായവര് പിന്തള്ളപ്പെടുന്നു. പിന്വാതില് നിയമനങ്ങള് അക്കാദമിക് സമൂഹത്തിലും ചെറുപ്പക്കാരിലും അസ്വസ്ഥത ഉണ്ടാക്കിയിരിക്കുകയാണ്. സര്വകലാശാലകളുടെ സ്വയംഭരണാവകാശം തകര്ത്ത് പാര്ട്ടി ഓഫീസുകളാക്കി മാറ്റുന്നത് ശരിയല്ല. സ്വന്തം ഇഷ്ടങ്ങള് ചെയ്തുകൂട്ടാന് വേണ്ടി നിയമിച്ചിരിക്കുന്ന പപ്പറ്റുകളാക്കി വൈസ് ചാന്സിലര്മാരെ മാറ്റിയിരിക്കുകയാണ്. ഗവേഷണം പ്രബന്ധം കോപ്പിയടിച്ചയാളെ അസിസ്റ്റന്റ് പ്രൊഫസറായി നിയമിച്ചു. പ്രബന്ധങ്ങള് പരിശോധിക്കാന് സര്വകലാശാല തീരുമാനിക്കുന്നതിന് മുന്പാണ് തന്റെ നിയമനം നടന്നതെന്നും അതിനാല് കോപ്പിയടി ഗൗരവമായി എടുക്കരുതെന്നും ഇദ്ദേഹം സര്വകലാശാലയോട് ആവശ്യപ്പെട്ടു. ഈ ആവശ്യം സര്വകലാശാലയും അംഗീകരിച്ചു. അക്കാദമിക് മികവുള്ള ആളുകള് എഴുതിയ പ്രബന്ധം കോപ്പിയടിച്ചയാള് ഇപ്പോഴും നമ്മുടെ കുട്ടികളെ പഠിപ്പിച്ചു കൊണ്ടിരിക്കുകയാണെന്നും വി.ഡി സതീശന് ആരോപിച്ചു.
കണ്ണൂര് വി സി നിയമനത്തില് സെര്ച്ച് കമ്മിറ്റി റദ്ദാക്കി മുന് വൈസ് ചാന്സിലര്ക്ക് പുനര്നിയമനം നല്കണമെന്ന് ആവശ്യപ്പെട്ട് കത്തെഴുതിയത് ഉന്നതവിദ്യാഭ്യാസ മന്ത്രിയാണ്. മന്ത്രിയുടെ ആവശ്യം ഗവര്ണറും അംഗീകരിച്ചു. 60 വയസ് കഴിഞ്ഞ വി സിക്ക് പുനര്നിയമനം നല്കാന് സര്ക്കാരും ഗവര്ണറും തമ്മില് ധാരണയുണ്ടാക്കി. അന്ന് ഹിന്ദുത്വ അജണ്ടയെ പറ്റിയോ കേന്ദ്ര സര്ക്കാരിന്റെ ഫാസിസ്റ്റ് അജണ്ടയെ പറ്റിയോ മന്ത്രി ഓര്ത്തില്ലല്ലോ. വിസിയെ ക്രിമിനലെന്ന് ഗവര്ണര് വിളിച്ചപ്പോള് അങ്ങനെ വിളിക്കാന് പാടില്ലെന്ന അന്തസുള്ള നിലപാടാണ് ഞങ്ങളെടുത്തത്. അല്ലാതെ നിങ്ങളെ പോലെ ഗവര്ണറുമായി ഒത്തുതീര്പ്പുണ്ടാക്കുകയല്ല ചെയ്തത്. നിങ്ങള്ക്ക് സൗകര്യം ചെയ്ത് തരുമ്പോള് ഗവര്ണര് നല്ല ആളാണ്. അല്ലെങ്കില് ഹിന്ദുത്വ അജണ്ട. ഇതാണ് നിങ്ങളുടെ നിലപാട്.
പ്രതിപക്ഷത്തിന് മൂന്നാം കിട കുശുമ്പെന്നാണ് മന്ത്രി പറഞ്ഞത്. കേരളത്തിലെ ഉന്നതവിദ്യാഭ്യാസ രംഗത്തിന്റെയും സര്വകലാശാലകളുടെയും ഇന്നത്തെ അവസ്ഥ കണ്ടാല് ആര്ക്കെങ്കിലും മുപ്പതാം കിട കുശുമ്പെങ്കിലും തോന്നുമോ? വഴിയെ പോകുന്ന ആര്ക്കെങ്കിലും ഒരു കുശുമ്പ് തോന്നുമോ? ആര്ക്കായാലും സങ്കടവും സഹതാപവുമൊക്കെയെ തോന്നുകയുള്ളൂ. സര്വകലാശാലകളിലെ ബന്ധുനിയമനത്തെ കുറിച്ചാണ് പ്രതിപക്ഷം പറഞ്ഞത്. അല്ലാതെ മന്ത്രിയുടെ ബന്ധു നിയമനത്തെക്കുറിച്ചല്ല.
സര്വകലാശാലകളെ നിയന്ത്രിക്കുന്നത് മന്ത്രിയല്ല. ഇതൊക്കെ നിയന്ത്രിക്കാന് അദൃശ്യ ശക്തികളുണ്ട്. മന്ത്രി എടുക്കുന്ന തീരുമാനം നടപ്പാക്കണമെങ്കിലും അവര് വിചാരിക്കണം. ഡിജിറ്റല് യൂണിവേഴ്സിറ്റി ഉള്പ്പെടെയുള്ളവയിലും പിന്വാതില് നിയമനങ്ങള് മാത്രമാണ് നടക്കുന്നത്. സര്വകലാശാലകളിലെ അനധ്യാപക ജീവനക്കാരുടെ നിയമനം യുഡിഎഫ് സര്ക്കാര് പി എസ് സിക്ക് വിട്ടത് പോലെ അധ്യാപക നിയമനവും പി എസ് എസിക്ക് വിടണമെന്നും വിഡി സതീശന് ആവശ്യപ്പെട്ടു.
