റിയാദ് : വിശ്രമിക്കുന്നതിനായി വീടിന്റെ ടെറസ്സില് കയറിയപ്പോള് കാല് തെന്നി വീണ് മരണമടഞ്ഞ ആലപ്പുഴ ഹരിപ്പാട് സ്വദേശി രൂപേഷ് കുമാറിന്റെ (43) മൃതദേഹം കേളി കലാ സാംസ്കാരിക വേദിയുടെ ജീവകാരുണ്യ വിഭാഗത്തിന്റെ ഇടപെടലില് നാട്ടിലെത്തിച്ചു. ബത്ഹ ഇഷാറ റെയിലിനടുത്തുള്ള താമസ സ്ഥലത്ത് വെച്ചായിരുന്നു അപകടം. കഴിഞ്ഞ പതിനഞ്ചു വര്ഷമായി നിര്മ്മാണ മേഖലയിലെ തൊഴിലാളിയായിരുന്നു രൂപേഷ് നല്ലപോച്ചയില് യശോദരന് – കമലമ്മ ജാനകി ദമ്പതികളുടെ മകനാണ്. ഭാര്യ അമ്പിളി, അനുരൂപ്, അസിന്രൂപ എന്നിവര് മക്കള്.
അഞ്ചു വര്ഷത്തിലേറെയായി നാട്ടില് പോയിട്ടില്ലാത്ത രൂപേഷിന്റെ ഇക്കാമ കഴിഞ്ഞ നാലു വര്ഷമായി പുതുക്കിയിട്ടില്ല. കൂടാതെ പാസ്പോര്ട്ടിന്റെ കാലാവധിയും അവസാനിച്ചിരുന്നു. നിരവധി നിയമകുരുക്കുകള് ഉണ്ടായിരുന്ന വിഷയത്തില് ഇന്ത്യന് എമ്പസിയുടെ സഹകരണത്തോടെയാണ് മൃതദേഹം നാട്ടിലെത്തിക്കുന്നതിന് കേളി കലാ സാംസ്കാരിക വേദി നേതൃത്വം നല്കിയത്. കുടുംബ സുഹൃത്ത് ഉദയന്, ദമാമിലെ മറ്റു സുഹൃത്തുക്കള് എന്നിവര് മറ്റ് അനുബന്ധ ചെലവുകള് വഹിച്ചു. ശ്രീലങ്കന് എയര്ലൈന്സില് നാട്ടിലെത്തിച്ച മൃതദേഹത്തിനൊപ്പം കുടുംബ സുഹൃത്ത് ഉദയന് അനുഗമിച്ചു
