തിരുവനന്തപുരം: സിപിഐഎം നേതാക്കളുടെ സമനില തെറ്റിയെന്ന് പ്രതിപക്ഷ നേതാവ് വി ഡി സതീശന്. കെപിസിസി പ്രസിഡന്റ് കെ സുധാകരനെതിരായ സിപിഐഎം ആരോപണങ്ങള് വിശ്വസിക്കാന് കഴിയുന്നില്ലെന്നുമ അദ്ദേഹം പറഞ്ഞു. വിചാരണ സമയത്തോ അന്വേഷണ ഘട്ടത്തിലോ എന്തുകൊണ്ട് കാര്യമായി എടുത്തില്ല. കെ സുധാകരന്റെ മൊഴി രേഖപ്പെടുത്തുകയോ ചോദ്യം ചെയ്യുകയോ പോലും ചെയ്തില്ല. ആരോപണത്തിന് പിന്നില് ഗൂഢാലോചനയുണ്ടെന്നും സതീശന് പറഞ്ഞു.
മോന്സണ് മാവുങ്കല് ഉള്പ്പെട്ട പോക്സോ കേസില് സുധാകരനെതിരെ കടുത്ത ആരോപണങ്ങളാണ് സിപിഐഎം സംസ്ഥാന സെക്രട്ടറി എം.വി ഗോവിന്ദന് ഉന്നയിച്ചത്. മോന്സണ് തന്നെ പീഡിപ്പിക്കുമ്പോള് സുധാകരന് അവിടെയുണ്ടായിരുന്നുവെന്നാണ് അതിജീവിതയുടെ മൊഴിയെന്നായിരുന്നു എം.വി ഗോവിന്ദന്റെ ആരോപണം. വിവരം അറിഞ്ഞിട്ടും സുധാകരന് ഇടപെട്ടില്ലെന്നും വര്ത്തകളുണ്ടെന്ന് അദ്ദേഹം പറഞ്ഞു.
