റാന്നി : ആഘോഷത്തിന്റെ ആർപ്പുവിളികൾക്കൊപ്പം കരുതലിന്റെ കൈത്താങ്ങും ഇഴചേർത്ത പൂക്കളമൊരുക്കിയാണ് വെച്ചൂച്ചിറ എണ്ണൂറാംവയൽ സി.എം.എസ്.എൽ.പി സ്കൂള് ഓണത്തെ വരവേറ്റത്. ഇതിന്റെ ഭാഗമായി പൂർവ വിദ്യാർത്ഥിയുടെ സഹായത്തോടെ 15 കുടുംബങ്ങൾക്ക് ഓണസദ്യ ഒരുക്കുന്നതിനുള്ള വിഭവങ്ങൾ അടങ്ങിയ ഓണസമ്മാനം സ്കൂളില് നടന്ന ചടങ്ങില് വിതരണം ചെയ്തു. ഓണാഘോഷം പഴകുളം മധു എം.എല്.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എസ്.രമാദേവി അധ്യക്ഷത വഹിച്ചു. സ്കൂൾ ലോക്കൽ മാനേജർ റവ.ജോൺസൺ അലക്സാണ്ടർ ഉപ്പേരി ചലഞ്ച് ഉദ്ഘാടനം ചെയ്തു. ഫാ.മാത്യു നരിപ്പാറ വിജയികൾക്കുള്ള സമ്മാനങ്ങൾ വിതരണം ചെയ്തു.
പഞ്ചായത്ത് അംഗങ്ങളായ ടി.കെ ജെയിംസ്, ഷാജി കൈപ്പുഴ, ലിനോജ് കണയങ്കൽ, രാജി വിജയകുമാർ, റെസി ജോഷി, പ്രിയ സുരേന്ദ്രൻ,ഡോ.മനു വർഗീസ്, എം.ടി മത്തായി, എം.ജെ കോശി, പി.ടി മാത്യു, ജോജി തോമസ്, പി.ടി.എ പ്രസിഡന്റ് ഷൈനു ചാക്കോ, മദർ പി.ടി.എ പ്രസിഡന്റ് ഫെമി ഹേമന്ത്, പി.ടി ജൂലിയൻ, ആഷിക് പീടികപ്പറമ്പിൽ, ജെയ്സി ജെയ്സൺ, സെലിൻ പി.രാജൻ, അനുമോൾ കെ.ജോർജ്, എൻ.ഹരികൃഷ്ണൻ, ഷെൽബി ഷാജി, മെർലിൻ മോസസ്, എസ്.അമ്പിളി എന്നിവർ പ്രസംഗിച്ചു.
