പത്തനംതിട്ട : ആരോഗ്യമന്ത്രി വീണാ ജോര്ജ്ജ് ഉയര്ത്തിയ പതാക മുകളിലെത്തിയപ്പോള് വിടര്ന്നില്ല, പുഷ്പവൃഷ്ടിയും നടത്തിയില്ല. പൂക്കള് കെട്ടിവെച്ച കുടുക്കാണ് വിനയായത്. മുകളിലെത്തിയ പതാക വിടര്ത്തുവാന് മന്ത്രി നടത്തിയ ശ്രമം പരാജയപ്പെട്ടതോടെ പോലീസുകാര് അതിനു ശ്രമിച്ചെങ്കിലും പരാജയപ്പെട്ടു. തുടര്ന്ന് മന്ത്രി ഉയര്ത്തിയ ദേശീയ പതാക പോലീസുകാര് താഴ്ത്തി കുടുക്ക് അഴിച്ചുമാറ്റി അവര്തന്നെ ഉയര്ത്തുകയായിരുന്നു. ഈ സമയമെല്ലാം മന്ത്രി വീണാ ജോര്ജ്ജും കളക്ടര് ദിവ്യ എസ് അയ്യരും സല്യൂട്ട് ചെയ്തുകൊണ്ട് നില്ക്കുകയായിരുന്നു.
