തിരുവനന്തപുരം : ആരോഗ്യ വകുപ്പ് മന്ത്രിയുടെ ഓഫീസില് കൊവിഡ് മോണിറ്ററിംഗ് സെല് ആരംഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. സംസ്ഥാനത്ത് കൊവിഡ് പ്രവര്ത്തനങ്ങള് ഫലപ്രദമായി നടത്തുന്നതിന് സംസ്ഥാന കൊവിഡ് കണ്ട്രോള് റും, ജില്ലാ കൊവിഡ് കണ്ട്രോള് റൂമുകള്, ആര്ആര്ടികള് എന്നിവ പ്രവര്ത്തിക്കുന്നുണ്ട്.
വിവിധ വകുപ്പുകളെ ഏകോപിപ്പിച്ചു കൊണ്ട് സംസ്ഥാന തലത്തില് വാര് റൂം ആരംഭിച്ചിട്ടുണ്ട്. ഇവയുടെയെല്ലാം ഏകോപനത്തിനാണ് സംസ്ഥാന തലത്തില് മന്ത്രിയുടെ ഓഫീസില് കോവിഡ് മോണിറ്ററിംഗ് സെല് ആരംഭിച്ചത്. പൊതുജനങ്ങള്ക്കും ഈ സേവനം പ്രയോജനപ്പെടുത്താവുന്നതാണ്. 0471 2518584 എന്ന നമ്പറില് രാവിലെ 9 മുതല് രാത്രി 9 മണിവരെ വിളിക്കാവുന്നതാണ്.
