കാഞ്ഞങ്ങാട് : വേനല്ചൂട് കടുത്തതോടെ സോളാര് പാടങ്ങളിലെ പുല്ലില് തീപടരുന്നത് പതിവായി. സംസ്ഥാനത്തെ ആദ്യ സോളാര് പാര്ക്കായ വെള്ളൂടയിലെ പാര്ക്കിലാണ് തീ പടരുന്നത്. ഏക്കര്കണക്കിന് ചെങ്കല് പ്രദേശമായ ഈ ഭാഗം മുഴുവന് വീട് മേയാന് ഉപയോഗിക്കുന്ന പുല്ല് (മുളി) നിറഞ്ഞതാണ്. അതുകൊണ്ടുതന്നെ ചെറിയ ഒരു പൊരി ഉണ്ടായാല്പോലും തീ പടരും. ഈ പുല്ല് മുറിച്ചുനീക്കാറുണ്ടെങ്കിലും ഒരുഭാഗത്തുനിന്ന് മുറിച്ച് മറുഭാഗത്തേക്ക് എത്തുമ്ബോഴേക്കും ആദ്യം മുറിച്ച ഭാഗത്ത് പിന്നെയും വളര്ന്നുവരും. സോളാര് പാര്ക്ക് വരുന്നതിന് മുന്നേ പ്രദേശത്തെ ജനങ്ങള് ഇക്കാര്യങ്ങള് സൂചിപ്പിച്ചെങ്കിലും അധികൃതര് അത് പരിഗണിച്ചില്ല. സോളാര് പ്രദേശം പല ബ്ലോക്കുകളായി തരംതിരിച്ച് വേര്പെടുത്തിയെങ്കിലും തീ പടര്ന്നാല് വെള്ളമൊഴിച്ച് കെടുത്താനുള്ള സൗകര്യം ബന്ധപ്പെട്ടവര് ഒരുക്കിയില്ല. തീ പടരുമ്പോള് ഭീതിയോടെ കഴിയുകയാണ് പാര്ക്കിന് സമീപം താമസിക്കുന്ന പട്ടികവര്ഗക്കാരായിട്ടുള്ള കോളനിവാസികള്.
