പാവറട്ടി : കൈക്കൂലി വാങ്ങിയ പണവുമായി ബൈക്കിൽ പോകുകയായിരുന്ന വില്ലേജ് അസിസ്റ്റന്റ് വിജിലൻസ് പിടിയിൽ. വെങ്കിടങ്ങ് വില്ലേജ് അസിസ്റ്റന്റ് തിരുവനന്തപുരം സ്വദേശി അജികുമാറിനെയാണ് ഡിവൈ.എസ്.പി ജീൻ പോളിന്റെ നേതൃത്വത്തിലുള്ള സംഘം പിടികൂടിയത്. വിജിലൻസ് സംഘം ജീപ്പിൽ പിന്തുടർന്ന് പിടികൂടുകയായിരുന്നു. അജികുമാർ ആർ.ഒ.ആർ രേഖക്കായി ഓഫീസിലെത്തിയ വെങ്കിടങ്ങ് സ്വദേശി സുനീഷിൽ നിന്ന് 3000 രൂപ കൈക്കൂലി ആവശ്യപ്പെടുകയായിരുന്നു. ഇതിൽ 2000 നേരത്തെ വാങ്ങി. ബാക്കി ആയിരം രൂപ ആവശ്യപ്പെട്ടത് യുവാവ് വിജിലൻസിനെ അറിയിക്കുകയായിരുന്നു. തുടർന്ന് വിജിലൻസ് ഫിനോഫ്ത്തലിൻ പുരട്ടിയ നോട്ട് യുവാവിന് നൽകി. ബുധനാഴ്ച വൈകീട്ട് 4.30-ന് പുറത്തിറങ്ങിയ അജികുമാറിന് ഈ പണം നൽകി.
ഇതുമായി പോകുന്നതിനിടെയാണ് പിന്തുടർന്ന് എത്തിയ വിജിലൻസ് സംഘം വെങ്കിടങ്ങ് സെന്ററിൽ വെച്ച് പിടികൂടിയത്. ഇത് കൂടാതെ അജികുമാറിന്റെ പക്കൽ നിന്ന് അയ്യായിരത്തിൽ അധികം രൂപ കണ്ടെടുത്തതായി വിജിലൻസ് ഉദ്യോഗസ്ഥർ പറഞ്ഞു. രാവിലെ മുതൽ അജികുമാർ വിജിലൻസ് സംഘത്തിന്റെ നിരീക്ഷണത്തിലായിരുന്നു. പ്രതിയെ കോടതിയിൽ ഹാജരാക്കും.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
