ന്യൂഡല്ഹി : ഇന്ത്യയില് നിന്നുള്ള ആദ്യ സ്വകാര്യ റോക്കറ്റ് വിക്ഷേപണം ഇന്ന് നടക്കും. വിക്ഷേപണത്തിനായുള്ള കൗണ്ട്ഡൗണ് ആരംഭിച്ചു. സ്കൈറൂട്ട് എയറോസ്പേസ് എന്ന സ്റ്റാര്ട്ടപ്പിന്റെ വിക്രം എസ്, സൗണ്ടിംഗ് റോക്കറ്റ് വിക്ഷേപണത്തിലേക്ക് ഉറ്റ് നോക്കുകയാണ് രാജ്യം. ശ്രീഹരിക്കോട്ടയിലെ സതീഷ്ധവാന് സ്പേസ് സെന്ററില് നിന്ന് രാവിലെ 11.30നാണ് വിക്ഷേപണം. ഇന്ത്യയുടെ ബഹിരാകാശ പദ്ധതി ഇന്ന് പുതിയ ഉയരങ്ങളിലെത്തും.
വിക്രം സാരാഭായിയുടെ പേരിലാണ് റോക്കറ്റ്
സ്വകാര്യ റോക്കറ്റ് വിക്രം-എസ് രാവിലെ 11.30ന് വിക്ഷേപിക്കും. വിക്രം-എസ്, സതീഷ് ധവാന് സ്പേസ് സെന്ററില് നിന്ന് വിക്ഷേപിച്ച ശേഷം അത് 81 കിലോമീറ്റര് ഉയരത്തില് എത്തും. ഇന്ത്യന് ബഹിരാകാശ പദ്ധതിയുടെ പിതാവായ ശാസ്ത്രജ്ഞന് വിക്രം സാരാഭായിയുടെ പേരിലാണ് റോക്കറ്റിന് പേര് നല്കിയിരിക്കുന്നത്. റോക്കറ്റിന്റെ വിക്ഷേപണത്തില് സാധാരണ ഇന്ധനത്തിന് പകരം എല്എന്ജി അതായത് ലിക്വിഡ് നാച്ചുറല് ഗ്യാസും ലിക്വിഡ് ഓക്സിജനുമാണ് ഉപയോഗിക്കുന്നത്. ഈ ഇന്ധനം ലാഭകരവും മലിനീകരണ രഹിതവുമാണ്.
പ്രഭാവ് എന്നാണ് ദൗത്യത്തിന് പേരിട്ടിരിക്കുന്നത്. ഒരു സ്വകാര്യ കമ്പനി സ്വന്തമായി വികസിപ്പിച്ചെടുത്ത റോക്കറ്റ് ആണിത്. വെറും നാല് വര്ഷം മുമ്പാണ് സ്കൈറൂട്ട് എന്ന സ്റ്റാര്ട്ടപ്പിന് ഹൈദരാബാദില് തുടക്കമാകുന്നത്. സ്വന്തമായി മൂന്ന് ചെറു വിക്ഷേപണ വാഹനങ്ങള് നിര്മ്മിക്കാന് ലക്ഷ്യമിടുന്ന കമ്പനിക്ക് ഈ സൗണ്ടിംഗ് റോക്കറ്റ് അവര് വികസിപ്പിച്ച സാങ്കേതിക വിദ്യകളുടെ പ്രാപ്തി അളക്കുന്ന പരീക്ഷയാണ്. ഇവിടെ ജയിച്ചാല് അടുത്ത വര്ഷം കൂടുതല് കരുത്തനായ വിക്ഷേപണവാഹനം വിക്രം 1 എത്തും.
സ്കൈറൂട്ടിലൂടെ റോക്കറ്റ് വിക്ഷേപണ രംഗത്തേക്കുള്ള സ്വകാര്യമേഖലയുടെ രംഗപ്രവേശത്തെ ഐഎസ്ആര്ഒയും ഏറെ പ്രതീക്ഷയോടെയാണ് കാണുന്നത്. ചെറു ഉപഗ്രഹങ്ങളുടെ വിക്ഷേപണം സ്വകാര്യ മേഖലയിലേക്ക് മാറ്റി. ഗവേഷണത്തില് കൂടുതല് ശ്രദ്ധകേന്ദ്രീകരിക്കുകയാണ് ഇസ്രൊയുടെ ലക്ഷ്യം. സ്വകാര്യ മേഖലയ്ക്കും ഇസ്രയ്ക്കും മധ്യേ പാലമായി പ്രവര്ത്തിക്കുന്ന ഇന്സ്പേസ് ആണ് വിക്ഷേപണത്തിന് വേണ്ട സഹായങ്ങള് ഒരുക്കുന്നത്. റോക്കറ്റിനെ വിക്ഷേപിക്കാനും വിക്ഷേപണ ശേഷം പിന്തുടരാനും ആവശ്യമായ സഹായം ഐഎസ്ആര്ഒ നല്കും.
ആറ് മീറ്റര് ഉയരവും 545 കിലോ ഭാരവുമുള്ള കുഞ്ഞന് റോക്കറ്റാണ് വിക്രം എസ്. വിക്ഷേപണം മുതല് കടലില് പതിക്കുന്നത് വരെ ആകെ അഞ്ച് മിനിറ്റ് സമയം മാത്രം ആയുസ്, പരമാവധി 81.5 മീറ്റയര് ഉയരത്തിലേ റോക്കറ്റ് എത്തുകയുമുള്ളൂ. ഇതൊരു പരീക്ഷണ വിക്ഷേപണം ആയിരിക്കും. ഇത് വിജയിച്ചാല് സ്വകാര്യ ബഹിരാകാശ കമ്പനിയുടെ റോക്കറ്റ് വിക്ഷേപണത്തിന്റെ കാര്യത്തില് ലോകത്തെ മുന്നിര രാജ്യങ്ങള്ക്കൊപ്പം ഇന്ത്യയും ചേരുമെന്ന് മാത്രമല്ല രാജ്യത്തിന്റെ ബഹിരാകാശ വ്യവസായത്തില് സ്വകാര്യ മേഖലയുടെ കടന്നുവരവിന് പുതിയ ഉയരങ്ങള് നല്കുകയും ചെയ്യും.
നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യുക
ദിനപ്പത്രങ്ങളിലെ പരസ്യത്തിന്റെ ആയുസ്സ് കേവലം നിമിഷങ്ങള് മാത്രമാണ്, തന്നെയുമല്ല താലൂക്ക് തലത്തിലോ ജില്ല മുഴുവനോ പ്രസിദ്ധീകരിക്കുന്ന ആ ബ്ലാക്ക് ആന്ഡ് വൈറ്റ് പരസ്യത്തിന് നിങ്ങള് നല്കുന്നത് വന് തുകയാണ്. എന്നാല് ഓണ് ലൈന് വാര്ത്താ ചാനലില് നല്കുന്ന പരസ്യം ലോകമെങ്ങും കാണും, ഒരു നിമിഷത്തേക്കല്ല – ഒരു മാസമാണ് ഈ പരസ്യം ഡിസ്പ്ലേ ചെയ്യപ്പെടുന്നത്. അതും വളരെ കുറഞ്ഞ നിരക്കില്.
————————–
ദിവസേന നൂറിലധികം വാര്ത്തകള് പ്രസിദ്ധീകരിക്കുന്ന പത്തനംതിട്ട മീഡിയ (www.pathanamthittamedia.com) ഇന്ന് കേരളത്തിലെ മുന് നിര മാധ്യമങ്ങള്ക്കൊപ്പമാണ്. പത്തനംതിട്ട ജില്ലയിലെ പ്രാദേശിക വാര്ത്തകള്ക്ക് കൂടുതല് പരിഗണന നല്കുന്നതോടൊപ്പം കേരളത്തിലെ വാര്ത്തകളും ദേശീയ – അന്തര്ദേശീയ വാര്ത്തകളും അപ്പപ്പോള് ജനങ്ങളിലേക്ക് എത്തിക്കുന്നുണ്ട്. വാര്ത്തകള് വായിക്കുവാന് ഒരാള് നിരവധി തവണ പത്തനംതിട്ട മീഡിയയില് കയറാറുണ്ട്. ഇങ്ങനെ കയറുന്ന ഓരോ പ്രാവശ്യവും നിങ്ങളുടെ പരസ്യം കാണും, ഇതിലൂടെ നിങ്ങളുടെ ബിസിനസ് / സ്ഥാപനം ബ്രാന്ഡ് ചെയ്യപ്പെടുകയാണ്. ലോകമെങ്ങും എത്തട്ടെ ..നിങ്ങളുടെ പരസ്യം.
———————–
ന്യുസ് പോര്ട്ടലില് പരസ്യം നല്കുവാന് 70255 53033 / 0468 295 3033 /233 3033 mail – [email protected]
