തൃശൂർ : വില്ലേജ് ഓഫീസിന്റെ ഗേറ്റ് മോഷ്ടിച്ച് ആക്രിക്കടയിൽ വിറ്റ കേസിൽ രണ്ട് പേർ അറസ്റ്റിൽ. വലക്കാവ് സ്വദേശി സന്തോഷ് (47), മാടക്കത്തറ സ്വദേശി മനോജ് (40) എന്നിവെരെയാണ് അറസ്റ്റിലയാത്. തൃശൂർ വെസ്റ്റ് പോലീസ് ആണ് ഇരുവരെയും അറസ്റ്റ് ചെയ്തത്. തൃശൂർ അരണാട്ടുകരയിലെ വില്ലേജ് ഓഫീസിന്റെ ഗേറ്റാണ് ഇരുവരും ചേർന്ന് മോഷ്ടിച്ചത്.
മാർച്ച് 27ന് മോഷ്ടിച്ച ഗേറ്റ് ചിയ്യാരത്തെ ആക്രിക്കടയിൽ വിറ്റു. മോഷ്ടിച്ച ഗേറ്റ് കയറ്റിക്കൊണ്ടുപോയെ പെട്ടിയോട്ടോ പോലീസ് കസ്റ്റഡിയിലെടുത്തിട്ടുണ്ട്. പ്രതികളെ കോടതിയിൽ ഹാജരാക്കി. ഇരുവരെയും കോടതി റിമാന്റ് ചെയ്തു. വെസ്റ്റ് എസ് ഐ. കെ സി ബൈജു, എ എസ് ഐ സുദര്ശനന്, സിപിഒമാരായ അഭീഷ് ആന്റണി, സുധീര്, ജോസ് പോള് എന്നിവെർ ചേർന്നാണ് പ്രതികളെ പിടികൂടിയത്.
