തിരുവനന്തപുരം : കോവിഡ് പ്രതിസന്ധിയില് തുടരുന്ന സംസ്ഥാനത്തെ സാധാരണക്കാര്ക്ക് ആശ്വാസമായി വീണ്ടും സംസ്ഥാന സര്ക്കാറിന്റെ പ്രഖ്യാപനം. സംസ്ഥാനത്തെ മുഴുവന് റേഷന് കാര്ഡ് ഉടമകള്ക്കും വിഷു- ഈസ്റ്റര് കിറ്റുകള് ഏപ്രിലില് വിതരണം ചെയ്യാന് സര്ക്കാര് തീരുമാനം. നിലവിലുള്ള ഭക്ഷ്യക്കിറ്റ് വിതരണത്തിന്റെ ഭാഗമായാണ് എല്ലാ റേഷൻ കാർഡുടമകൾക്കും സൗജന്യമായി വിഷു, ഈസ്റ്റർ കിറ്റ് നൽകുന്നത്.
കിറ്റിലെ സാധനങ്ങൾ : പഞ്ചസാര– ഒരുകിലോഗ്രാം, കടല–500 ഗ്രാം, ചെറുപയർ-500 ഗ്രാം, ഉഴുന്ന്-500 ഗ്രാം, തുവരപ്പരിപ്പ്-250 ഗ്രാം, വെളിച്ചെണ്ണ-1/2 ലിറ്റർ, തേയില-100 ഗ്രാം, മുളക്പൊടി-100 ഗ്രാം, ആട്ട-ഒരു കിലോഗ്രാം, മല്ലിപ്പൊടി-100 ഗ്രാം മഞ്ഞൾപ്പൊടി-100 ഗ്രാം, സോപ്പ്-രണ്ട് എണ്ണം, ഉപ്പ്-1 കിലോഗ്രാം, കടുക്/ ഉലുവ-100 ഗ്രാം.
