ന്യൂഡല്ഹി : മലയാളികള്ക്ക് വിഷു ആശംസകള് നേര്ന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് അദ്ദേഹം ജനങ്ങള്ക്ക് ആശംസ അറിയിച്ചത്. വിഷുവിന്റെ പ്രത്യേക വേളയില് ലോകമെമ്പാടുമുള്ള മലയാളികള്ക്ക് ആശംസകള് നേരുന്നുവെന്ന് അദ്ദേഹം പറഞ്ഞു. ആവോളം സന്തോഷവും നല്ല ആരോഗ്യവും നിറഞ്ഞ ഒരു വര്ഷത്തിനായി പ്രാര്ത്ഥിക്കുന്നുവെന്നും അദ്ദേഹം ട്വിറ്ററില് കുറിച്ചു.
കേന്ദ്ര ആഭ്യന്തര മന്ത്രി അമിത് ഷായും മലയാളികള്ക്ക് വിഷു ആശംസകള് നേര്ന്നു. വിഷു ഉത്സവത്തിന്റെ ഈ സുദിനത്തില് കേരളത്തിലെ എല്ലാ സഹോദരി സഹോദരന്മാര്ക്കും ഹൃദയം നിറഞ്ഞ ആശംസകള് നേരുന്നുവെന്ന് അദ്ദേഹം വ്യക്തമാക്കി. ഈ പുതുവര്ഷം എല്ലാവരുടെയും ജീവിതത്തില് സന്തോഷവും സമാധാനവും സമൃദ്ധിയും കൊണ്ടുവരട്ടെയെന്നും അദ്ദേഹം ആശംസിച്ചു.
