തിരുവനന്തപുരം : വോട്ടര്പട്ടിക പുതുക്കലിന്റെ ഭാഗമായി തദ്ദേശസ്വയംഭരണ സ്ഥാപനങ്ങള് ഓഗസ്റ്റ് 9, 10 തീയതികളില് തുറന്നു പ്രവര്ത്തിക്കുന്നതിന് സംസ്ഥാന തെരഞ്ഞെടുപ്പ് കമ്മീഷന് നിര്ദ്ദേശം നല്കി. അപേക്ഷകളും ആക്ഷേപങ്ങളും സമര്പ്പിക്കുന്നവരുടെ സൗകര്യം പരിഗണിച്ചാണ് പൊതുഅവധി ദിവസങ്ങള് പ്രവൃത്തിദിനമാക്കാന് നിര്ദ്ദേശം നല്കിയത്. ഈ ദിവസങ്ങളില് ഓഫീസില് ഹാജരാകുന്ന അപേക്ഷകര്ക്ക് ഹിയറിംഗിനും ഒഴിവാക്കുന്നതിനുള്ള ആക്ഷേപങ്ങള് (ഫോം 5) നേരിട്ടു സ്വീകരിക്കുന്നതുമുള്പ്പെടെ വോട്ടര്പട്ടികപട്ടിക പുതുക്കലുമായി ബന്ധപ്പെട്ട എല്ലാ പ്രവൃത്തികള്ക്കും സൗകര്യമൊരുക്കണമെന്ന് ഇലക്ടറല് രജിസ്ട്രേഷന് ഓഫീസര്മാര്ക്ക് കമ്മിഷന് നിര്ദേശം നല്കി.
