പത്തനംതിട്ട : ആറു മാസക്കാലമായി തകർന്നു കിടന്നിരുന്ന പ്രമാടം പഞ്ചായത്തിലെ ഇളകൊള്ളൂർ അഞ്ചാം വാർഡ് റേഷന്കടപ്പടി പാലം ജംഗ്ഷന് നടപ്പാത താല്ക്കാലികമായി ഇളകൊള്ളൂർ സേവാഭാരതി പ്രവർത്തകരുടെയും, ബിജെപി പ്രവർത്തകരുടെയും നേതൃത്വത്തിൽ പുനസ്ഥാപിച്ചു. നടപ്പാതയുടെ ഉദ്ഘാടനം ഗ്രാമപഞ്ചായത്ത് നാലാം വാർഡ് മെമ്പറും ബിജെപി മേഘല പ്രസിഡന്റുമായ വി.ശങ്കർ നിർവ്വഹിച്ചു. നിരവധി യാത്രക്കാർ ഉപയോഗിക്കുന്ന നടപ്പാത അടിയന്തിരമായി പഞ്ചായത്ത് അധികൃതർ പുനസ്ഥാപിക്കാൻ നടപടി സ്വീകരിക്കണമെന്നും അല്ലാത്തപക്ഷം സമരപരിപാടികൾ ആരംഭിക്കുമെന്നും അദ്ദേഹം പറഞ്ഞു. ബിജെപി പ്രമാടം മേഘല ജനറൽ സെക്രട്ടറി ഗിരീഷ് ഗോപി, സെക്രട്ടറി അനീഷ് ഇളകൊള്ളൂർ,യുവമോർച്ച പഞ്ചായത്ത് പ്രസിഡന്റ് വൈശാഖ് എന്നിവര് സംസാരിച്ചു. സേവാഭാരതി പ്രവർത്തകരായ ഗോകുൽ, സുരാജ്, സുനിൽ, ഹരി എന്നിവർ പ്രവർത്തന ഞങ്ങൾക്ക് നേതൃത്വം നൽകി.
