പത്തനംതിട്ട : കോഴഞ്ചേരി പഞ്ചായത്തിലെ ഇടവഴികളില് മാലിന്യം തള്ളുന്നത് വ്യാപകമാകുന്നു. പ്രധാന നിരത്തുകളില് നിരീക്ഷണ ക്യാമറ സ്ഥാപിച്ചതോടെയാണ് മാലിന്യവുമായി എത്തുന്നവര് ഇടവഴികളില് അവ തള്ളിത്തുടങ്ങിയത്. കോഴഞ്ചേരി പാമ്പാടിമണ് അയ്യപ്പ ക്ഷേത്രത്തിന് സമീപത്തുനിന്ന് കോളേജ് റോഡിലേക്കുള്ള ഇടവഴി, മരോട്ടിമുക്ക്-കീഴുകര റോഡ്, തെക്കേമല-പുന്നയ്ക്കാട് റോഡ്, വ്യവസായകേന്ദ്രം റോഡ്, വഞ്ചിത്ര-ആറന്മുള റോഡ് തുടങ്ങിയ ഇടങ്ങളെല്ലാം മാലിന്യം നിക്ഷേപിക്കുന്ന സ്ഥലങ്ങളാക്കി മാറ്റിയിരിക്കുകയാണ്.
മത്സ്യ അവശിഷ്ടങ്ങള് അടക്കമുള്ളവ ചാക്കില്കെട്ടി രാത്രിയിലാണ് തള്ളുന്നത്. വീതികുറഞ്ഞ ഇടവഴികളില് കിടക്കുന്ന മാലിന്യങ്ങളില് വാഹനങ്ങള് കയറി ചാക്ക് പൊട്ടി മാലിന്യം പരന്നൊഴുകുന്നത് മൂലം പ്രദേശത്ത് കടുത്ത ദുര്ഗന്ധമാണ് അനുഭവപ്പെടുന്നത്.
