തിരുവനന്തപുരം : തിരുവനന്തപുരം നഗരസഭ പരിധിയിലെ 100 വാര്ഡുകളിലെയും മാലിന്യങ്ങള് നീക്കം ചെയ്യുന്നതിനായി വാങ്ങിയ 25 ഇ കാര്ട്ടുകളുടെ വിതരണോദ്ഘാടനം മേയര് ആര്യാ രാജേന്ദ്രന് നിര്വഹിച്ചു.
ഇന്ന് രാവിലെ നഗരസഭ മെയിന് ഓഫീസില് വെച്ചായിരുന്നു ഉദ്ഘാടനം. ‘ലോ കാര്ബണ് അനന്തപുരി’ എന്ന ലക്ഷ്യത്തിനായി നഗരസഭയുടെ 2022-23 സാമ്പത്തിക വര്ഷത്തെ ബഡ്ജറ്റില് പ്രഖ്യാപിച്ചതായിരുന്നു ഇ കാര്ട്ടുകള്. തലസ്ഥാന നഗരത്തിലെ അന്തരീക്ഷ മലിനീകരണം കുറയ്ക്കുന്നതിനായി നിരവധി പദ്ധതികളാണ് ബഡ്ജറ്റില് പ്രഖ്യാപിച്ചിരുന്നത്. ഉദ്ഘാടനത്തിന്റെ ചിത്രങ്ങള് മേയര് തന്റെ ഫേസ്ബുക്ക് പേജില് പങ്കുവെച്ചിട്ടുണ്ട്.
ഫേസ്ബുക്ക് പോസ്റ്റിന്റെ പൂര്ണരൂപം:
തിരുവനന്തപുരം നഗരസഭ പരിധിയിലെ 100 വാര്ഡുകളിലേയും മാലിന്യങ്ങള് നീക്കം ചെയ്യുന്നതിനായി വാങ്ങിയ 25 ഇ-കാര്ട്ടുകളുടെ വിതരണോദ്ഘാടനം നിര്വ്വഹിച്ചു. തിരുവനന്തപുരം നഗരസഭ 2022 – 23 സാമ്പത്തിക വര്ഷത്തെ ബജറ്റില് പ്രഖ്യാപിച്ച “ലോ കാര്ബണ് അനന്തപുരി” എന്ന ലക്ഷ്യത്തിലേക്കുള്ള പുതിയൊരു ചുവടുവെയ്പ്പ് കൂടി നഗരസഭ നടത്തിയിരിക്കുകയാണ്.