പത്തനംതിട്ട : തെളിനീരൊഴുകും നവകേരളം കാമ്പയിനിന്റെ ഭാഗമായി കോട്ടാങ്ങൽ പഞ്ചായത്തിൽ സംഘടിപ്പിച്ച ജല നടത്തം ഗ്രാമ പഞ്ചായത്ത് പ്രസിഡന്റ് ബിനു ജോസഫ് ഉദ്ഘാടനം നിർവ്വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ് ജമീലാബീവി അദ്ധ്യക്ഷത വഹിച്ചു. 11-ാം വാർഡിലെ പാപ്പനാട്ട് തോടിന്റെ മoത്തും മുറി സ്ഥലത്താണ് ജല നടത്തം സംഘടിപ്പിച്ചത്. തോടിന്റെ മാലിന്യം നിറഞ്ഞ ഭാഗങ്ങൾ കണ്ടെത്തുന്നതിനും ജലത്തിന്റ ഗുണ നിലാവരം പരിശോധിക്കുന്നതിനും അടിഞ്ഞുകൂടിയിരിക്കുന്ന ചെളിയും മണ്ണും നീക്കം ചെയ്യുന്നതിനും ജല സ്രോതസുകൾ ശുചീകരീക്കുന്നതിനും വേണ്ടിയുള്ള പദ്ധതിക്കാണ് തുടക്കമിട്ടിരിക്കുന്നത്.
വരും ദിവസങ്ങളിൽ എല്ലാ വാർഡുകളിലും ജല നടത്തം സംഘടിപ്പിച്ച് ബഹുജന പങ്കാളിത്തതോടെ ശുചീകരണ പ്രവർത്തനങ്ങൾ നടത്തും. ഗ്രാമ പഞ്ചായത്തംഗങ്ങളായ കെ.ആർ കരുണാകരൻ, ജോളി ജോസഫ് , അഞ്ചു സദാനന്ദൻ , അഖിൽ എസ്, ജെസീലാ സിറാജ്, നീന മാത്യു. , തേജസ് കുമ്പുള് വേലി, അമ്മിണി രാജപ്പൻ , വിജയമ്മ സിആർ, എ ഇ വിപിൻ , ഇറിഗേഷൻ വകുപ്പ് ഓവർസിയർ അമ്യത, വില്ലേജ് ഓഫീസർ രാഗേഷ്, പെരുമ്പെട്ടി സബ് ഇൻസ്പെക്ടർ രാജേഷ്, അസിസ്റ്റന്റ് സെക്രട്ടറി ഫ്രാൻസിസ് , ഓവർസിയർ ആൻസി, എൻആർഇജി ഓവർസിയർ ഷാഫി, വി. ഒ ഏബ്രഹാം, ഐസിഡിഎസ് സൂപ്പർവൈസർ ശ്രുതി മുരളി, ചെയർ പേഴ്സൺ സിന്ധു സാംകുട്ടി, വൈസ് ചെയർ പേഴ്സൺ സിന്ധു ബിജു. , ശ്രീകുമാർ , അനീഷ് കൃഷ്ണൻ , ഹരിത കർമ്മ സേനാംഗങ്ങൾ, മേറ്റ് മാർ , കുടുംബ ശ്രി അംഗങ്ങൾ തുടങ്ങിയവർ പങ്കെടുത്തു.
