കല്പ്പറ്റ : വയനാട് തൊണ്ടര്നാട് പോലീസ് സ്റ്റേഷന് പരിധിയിലെ പെരിഞ്ചേര്മല ആദിവാസി കോളനിയില് നാലംഗ സായുധ മാവോയിസ്റ്റ് സംഘമെത്തിയതായി സൂചന. രണ്ട് സ്ത്രീകളും രണ്ട് പുരുഷന്മാരുമടങ്ങുന്ന സംഘമാണ് രാത്രി 8 മണിയോടെ എത്തിയതെന്ന് കോളനിവാസികള് പറയുന്നു.
കോളനിയിലെ 2 വീടുകളില് കയറിയ മാവോയിസ്റ്റുകള് മുദ്രാവാക്യം വിളിക്കുകയും ലഘുലേഖകള് നല്കുകയും ചെയ്തു. പരിസരത്തെ ഇലക്ട്രിക് പോസ്റ്റുകളില് പോസ്റ്ററുകള് പതിച്ചശേഷം സംഘം കാട്ടിലേക്ക് മടങ്ങി. ജൂലൈ 28 ഓഗസ്റ്റ് 3 രക്തസാക്ഷി വാരാചരണത്തിന്റേയും സര്ക്കാരിനെതിരെ രൂക്ഷ ഭാഷയിലുള്ള പ്രതികരണത്തിന്റേയും പോസ്റ്ററുകളാണ് പതിച്ചിരിക്കുന്നത്.
