വയനാട് : അമ്പലവയലിലെ കൊലപാതകത്തില് അമ്മയും പെണ്കുട്ടികളും അല്ലാതെ മറ്റാര്ക്കും പങ്കില്ലെന്ന് അന്വേഷണ സംഘം. അമ്പലവയല് ആയിരംകൊല്ലിയിലെ മുഹമ്മദിന്റെ മരണത്തില് മറ്റ് ദുരുഹതകളില്ല. അമ്മയും പെണ്കുട്ടികളും കുറ്റസമ്മതം നടത്തിയിട്ടുണ്ട്. പെണ്കുട്ടികളുടെ പിതാവ് സുബൈറാണ് കൊലപാതകത്തിന് പിന്നിലെന്നുള്ള മുഹമ്മദിന്റെ കുടുംബത്തിന്റെ ആരോപണം അടിസ്ഥാന രഹിതമാണെന്ന് പോലീസ് അറിയിച്ചു. ആരോപണങ്ങള് തെളിയിക്കാനുള്ള തെളിവുകള് കിട്ടിയിട്ടില്ല. കൂടാതെ പെണ്കുട്ടികള് കൊലപാതകത്തിന് ശേഷം പിതാവിനെ വിളിച്ച ഫോണ് കോള് രേഖകളും പോലീസ് ശേഖരിച്ചു. പെണ്കുട്ടികള്ക്ക് ഒറ്റയ്ക്കിത് ചെയ്യാനാകില്ലെന്നും ദുരൂഹതയുണ്ടെന്നുമാണ് കുടുംബത്തിന്റെ ആരോപണം.
