ന്യൂഡല്ഹി : ദേശീയ തലസ്ഥാന നഗരിയായ ഡല്ഹിയില് ജിംനേഷ്യങ്ങളും യോഗ സ്ഥാപനങ്ങളും ഇന്ന് മുതല് തുറക്കുന്നു. കോവിഡ് കേസുകള് ഉയര്ന്നുകൊണ്ടിരിക്കുകയാണെങ്കിലും സുരക്ഷാ മാനദണ്ഡങ്ങള് പാലിച്ചുകൊണ്ട് തുറക്കാനാണ് സംസ്ഥാന സര്ക്കാര് നിര്ദേശം. കേന്ദ്ര സര്ക്കാര് പുറത്തിറക്കിയ കോവിഡ് പ്രോട്ടോക്കോളിലും ജിംനേഷ്യങ്ങളിലും യോഗ സ്ഥാപനങ്ങളിലും മാസ്കുകളും, സാമൂഹിക അകലവും, സാനിറ്റൈസറുകളും ഉപയോഗിച്ചുകൊണ്ട് തുറക്കാമെന്ന് വ്യക്തമാക്കിയിരുന്നു.
ആഴ്ചയിലൊരിക്കലുള്ള മാര്ക്കറ്റുകള് സെപ്റ്റംബര് 30 വരെ തുറന്നു പ്രവര്ത്തിക്കാന് അനുവദിച്ചിട്ടുണ്ടെന്നും സര്ക്കാര് ഉത്തരവില് വ്യക്തമാക്കുന്നുണ്ട്. വിപുലമായ മെട്രോ റെയില്വേ ശ്യംഖല സര്വ്വീസ് പുനരാരംഭിക്കാന് ഡല്ഹി സര്ക്കാര് നേരത്തെ അനുവദിച്ചിരുന്നു. അണ്ലോക്ക് 4 ഘട്ടത്തില് നിരവധി നിയന്ത്രണങ്ങള് ലഘൂകരിച്ചതിനാല് ഈ മാസം വീണ്ടും ട്രയല് അടിസ്ഥാനത്തില് ബാറുകള് തുറക്കാനും അനുവാദമുണ്ട്.