തിരുവനന്തപുരം : ഹെല്മറ്റ് ധരിച്ചെത്തി ബിവറേജസ് ഔട്ട്ലെറ്റില് മോഷണം പതിവാക്കിയ കള്ളനെ കയ്യോടെ പിടികൂടി ജീവനക്കാര്. കരമന സ്വദേശി വിജുവിനെയാണ് ജീവനക്കാര് പിടികൂടി പോലീസില് ഏൽപ്പിച്ചത്. പവര്ഹൗസ് റോഡിലെ പ്രീമിയം ഔട്ട്ലെറ്റില് എത്തുന്ന കള്ളന് കുപ്പിയെടുത്ത് മടിയില് ഒളിപ്പിച്ച ശേഷം കടന്നുകളയാറായിരുന്നു പതിവ്.
കഴിഞ്ഞ ദിവസം ഔട്ട്ലെറ്റില് എത്തിയ വിജു കടയില് കയറി ഒരു കുപ്പി മോഷ്ടിച്ച് പോകുന്നതിനിടെ ജീവനക്കാര് പിടികൂടുകയായിരുന്നു. കഴിഞ്ഞ രണ്ടു മാസത്തിനിടെ അഞ്ച് തവണയെങ്കിലും ഇത്തരത്തില് മോഷണം നടത്തിയതായി ജീവനക്കാര് പറയുന്നു. സിസിടിവി ദൃശ്യങ്ങളില് നിന്ന് കള്ളനെ തിരച്ചറിഞ്ഞതോടെയാണ് ജീവനക്കാര് ഇയാൾ എത്തിയപ്പോള് ഇയാളെ പിടികൂടിയത്.
