തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. നാളത്തോടെ തെക്ക് കിഴക്കന് ബംഗാള് ഉള്ക്കടലില് പുതിയ ന്യൂനമര്ദ്ദമുണ്ടാകാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഇതിന്റെ അടിസ്ഥാനത്തില് വിവിധ ജില്ലകളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു.
പത്തനംതിട്ട, ഇടുക്കി ജില്ലകളില് ഡിസംബര് ഒന്നിനും തിരുവനന്തപുരം, കൊല്ലം ജില്ലകളില് ഡിസംബര് രണ്ടിനും ഒറ്റപ്പെട്ടയിടങ്ങളില് അതിശക്തമായ മഴയ്ക്ക് സാധ്യതയുണ്ടെന്നാണ് പുതിയ റിപ്പോര്ട്ട്. 115.6 മില്ലീമീറ്റര് മുതല് 204.4 മില്ലീമീറ്റര് വരെ മഴ ലഭിക്കാന് സാധ്യതയുണ്ട്. തിരുവനന്തപുരം, കൊല്ലം, കോട്ടയം ജില്ലകളില് ഡിസംബര് ഒന്നിനും പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് ഡിസംബര് രണ്ടിനും യെല്ലോ അലര്ട്ട് പ്രഖ്യാപിച്ചിട്ടുണ്ട്.
