തിരുവനന്തപുരം : കേരള തീരത്ത് മെയ് 27 മുതല് 29 വരെയുള്ള മൂന്നു ദിവസങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിന് സാധ്യത ഉള്ളതിനാല് മത്സ്യ തൊഴിലാളികള് കടലില് പോകാന് പാടില്ലെന്ന് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
27ന് രാത്രി 11:30 വരെ 3 മുതല് 3.8 മീറ്റര് ഉയരത്തില് പൊഴിയൂര് (തിരുവനന്തപുരം) മുതല് കാസര്കോട് വരെയും, 28 ന് രാത്രി 11:30 വരെ 3.5 മുതല് 4 മീറ്റര് ഉയരത്തില് കൊളച്ചല് മുതല് ധനുഷ്കോടി വരെയും ശക്തമായ തിരമാലകള് ഉണ്ടാകാന് സാധ്യത ഉണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. മത്സ്യ തൊഴിലാളികളും തീരദേശ വാസികളും ജാഗ്രത പാലിക്കേണ്ടതാണ്.
