റാന്നി: റാന്നി മേഖലയില് വന്യജീവി ആക്രമണത്തില് കൊല്ലപ്പെട്ടവരുടെ കുടുംബാംഗങ്ങള്ക്ക് നഷ്ടപരിഹാരം നല്കണമെന്നും ജനങ്ങളുടെ ജീവനും സ്വത്തിനും സംരക്ഷണം നല്കണമെന്നും ആവശ്യപ്പെട്ടുകൊണ്ട് മുസ്ലിം ലീഗ് റാന്നി നിയോജകമണ്ഡലം കമ്മിറ്റിയുടെ നേതൃത്വത്തില് ഡി എഫ് ഒ ഓഫീസിലേക്ക് പ്രതിഷേധ മാര്ച്ചും ധര്ണയും നടത്തി. മുസ്ലിംലീഗ് സംസ്ഥാന സെക്രട്ടറിയേറ്റംഗം കെ ഇ അബ്ദുല് റഹ്മാന് ഉദ്ഘാടനം ചെയ്തു.
നിയോജകമണ്ഡലം പ്രസിഡന്റ് കെഎംഎം സലീം അധ്യക്ഷത വഹിച്ചു. ജനറല് സെക്രട്ടറി റഫീഖ് ചാമക്കാല, മുസ്ലിം ലീഗ് ജില്ലാ ജനറല് സെക്രട്ടറി സമദ് മേപ്രത്ത്, ഷാനവാസ് അലിയാര്, ഉനൈസ് ഊട്ടുകുളം, പി എം ആര് ഖാന്, അബ്ദുല് ഖരീം, അന്സാരിമന്ദിരം, ഇസ്മായില് ചീനിയില്, ഹുസൈനാര് കിഴക്കയില്, സി എം സലിം, അസീസ് ചുങ്കപ്പാറ, സലീം സി എച്, എം എസ് ഷാജഹാന്, ഷാഹുല്ഹമീദ്, ആദം റാവുത്തര്, ഫൈസല് നൗഷാദ്, സജീര് പെരുനാട്, വിജയന് ജാഫര് ഖാന്, സിറാജ് പീടികയില്, ഫിറോസ് ഖാന് എന്നിവര് സംസാരിച്ചു.
