കാട്ടുപന്നി കുറുകെ ചാടി ; ബൈക്ക് മറിഞ്ഞ് യാത്രികന് പരിക്ക്

കോതമംഗലം: കാട്ടുപന്നി കുറുകെ ചാടി ബൈക്ക് മറിഞ്ഞ് യാത്രികന് ഗുരുതര പരിക്ക്. പുന്നേക്കാട് കരിയിലപ്പാറ കുന്നപ്പിള്ളി ബിനോയ് ജേക്കബിനാണ് ഗുരുതര പരിക്കേറ്റത്. പോത്തുപാറയിലെ സ്വകാര്യ റബര്‍ കമ്പനിയിലെ ജീവനക്കാരനായ ബിനോയി ജോലി കഴിഞ്ഞ് മടങ്ങവെയാണ് അപകടം. പന്നി കുറുകെ ചാടിയതിനെ തുടര്‍ന്ന് ബൈക്ക് നിയന്ത്രണംവിട്ട് മറിയുകയായിരുന്നു. ബൈക്ക് മറിഞ്ഞ് റോഡില്‍ കിടന്ന ബിനോയിയെ പിറകെ വന്ന കമ്പനിയിലെ ജീവനക്കാരാണ് ആശുപത്രിയിലെത്തിച്ചത്.