തിരുവനന്തപുരം: പാലോട് പെരിങ്ങമ്മല വനമേഖലയില് മങ്കയം വെങ്കിട്ട മൂട് ഭാഗത്ത് കാട്ടുതീ പടരുന്നു.
ഇന്നലെ ഉച്ചയോടെ പടര്ന്ന് പിടിച്ച തീ ഇതുവരെയും അണഞ്ഞില്ല. ഇപ്പോള് വനത്തിനകത്താണ് തീ പടരുന്നത്. ഒരു ഭാഗത്ത് ഉച്ചയ്ക്ക് പിടിച്ച സ്ഥലം വാച്ചര്മാര് അണച്ചെങ്കിലും രാത്രിയോടെ മറ്റൊരു ഭാഗത്ത് തീ പിടിച്ചു. വനത്തില് നല്ല കാറ്റ് ഉള്ളതിനാലാണ് തീപടരുന്നത്. അടിക്കാട് 5 ഏക്കറോളം കത്തി നശിച്ചു. പാലോട് റെയ്ഞ്ചിലെ വാച്ചര്മാരും വനം വകുപ്പ് ഉദ്യോഗസ്ഥരും സ്ഥലത്തുണ്ട്. ഫയര് ഫോഴ്സ് തീ അണക്കാനുള്ള ശ്രമങ്ങള് തുടരുകയാണ്. തിരുവനന്തപുരം ഡി.എഫ്.ഒ സംഭവസ്ഥലത്തെത്തി.
