കൊടുമൺ: വൈസ് മെൻ ഇന്റർനാഷണൽ കൊടുമൺ സെൻട്രൽ ക്ലബ് റീജണൽ പദ്ധതിയായ “ഹോം ഫോർ ഹോംലസ് ” പദ്ധതിയുടെ ഭാഗമായി കൊടുമൺ പഞ്ചായത്തിലെ പതിന്നാലാം വാർഡിൽ വീടിന്റെ പണി പൂർത്തീകരിക്കാൻ ബുദ്ധിമുട്ട് നേരിട്ട ആളെ കണ്ടെത്തി, ഭവന പൂർത്തീകരണം നടത്തി താക്കോൽ കൈമാറി. സെൻട്രൽ ട്രാവൻകൂർ സോൺ ഒന്നിന്റെ എൽ ആർ ഡി മുരളി ദാസ് സാഗർ ചടങ്ങിന്റെ ഉത്ഘാടനം നിർവ്വഹിച്ചു. ഭവനത്തിന്റെ താക്കോൽദാനം കൊടുമൺ പഞ്ചായത്ത് പതിന്നാലാം വാർഡ് മെമ്പർ ഷൈനി തോമസ് നിർവ്വഹിച്ചു.
ക്ലബ്ബിന്റെ റിപ്പബ്ലിക്ക് ദിനാഘോഷ ചടങ്ങിന്റെ ഉത്ഘാടനം പറക്കോട് ബ്ലോക്ക് ഐക്കാട് ഡിവിഷൻ മെമ്പർ അജി രണ്ടാം കുറ്റി നിർവ്വഹിച്ചു. ചടങ്ങിൽ ക്ലബ് പ്രസിഡന്റ് ജയ് സി ജോർജ്ജ്, സോണ.ൽ ട്രഷറർ രാജീവ് ഗോപാൽ, അനിൽ ബി സക്കറിയ, വിജയകുമാർ പി സി, തുളസിധരൻ, വിനോദ് വാസുക്കുറുപ്പ്, അഡ്വ. ജോൺസൺ മാവിളയിൽ, ജോമോൾ വിൽസൺ, മണി വിജയ്, ഗ്രേസി ജോർജ്, ആദിത് വിനോദ് തുടങ്ങിയവർ പ്രസംഗിച്ചു. ചടങ്ങിൽ പങ്കെടുത്ത ജനപ്രതിനിധികൾ ഉൾപ്പടെ ഉള്ളവരെ ക്ലബ് ഭാരവാഹികൾ ആദരിച്ചു.
