അടൂർ : വൈസ്മെൻ ഇന്റർനാഷണൽ സെൻട്രൽ ട്രാവൻകൂർ റീജണൽ സോണൽ നേതൃത്വ പരിശീലന ക്യാമ്പ് ‘ലീഡ് 2026’ അടൂർ മേലേടത്ത് ഓഡിറ്റോറിയത്തിൽ നടന്നു. റീജണൽ ഡയറക്ടർ ഡോ.ലീല ഗോപീകൃഷ്ണ ഉദ്ഘാടനം ചെയ്തു. സോൺ ഒന്നിന്റെ ലഫ്റ്റനന്റ് റീജണൽ ഡയറക്ടർ എബി തോമസ് അധ്യക്ഷത വഹിച്ചു. സോണൽ ബുള്ളറ്റിൻ മുൻ എൽ.ആർ.ഡി.പ്രൊഫ.ജോൺ എം.ജോർജ്ജ്, റീജണൽ ഡയറക്ടർ ഇലക്ട് അലക്സാണ്ടർ കോശിക്ക് നൽകി പ്രകാശനം ചെയ്തു. പരിശീലനത്തിന്റെ ഭാഗമായി ഡോ.സി.കെ.ജെയിംസ്, മുൻ റീജണൽ ഡയറക്ടർ ഡോ.വി.രാജേഷ്, റീജണൽ എക്സിക്യൂട്ടീവ് സെക്രട്ടറി ഡോ.വിനോദ് രാജ്, ഡോ.ദീപ്തി കൃഷ്ണ എന്നിവർ വൈസ്മെൻ പ്രസ്ഥാനത്തിന്റെ പ്രോട്ടോക്കോൾ, മീറ്റിംഗ് നടപടിക്രമങ്ങൾ തുടങ്ങിയ വിഷയങ്ങളിൽ ക്ലാസുകൾ നയിച്ചു.
സോണൽ സെക്രട്ടറി മാത്യു മതിരംപള്ളിൽ, ജോബി വർഗീസ്, എൽ.ആർ.ഡി. ഇലക്ട് സ്മിജു ജേക്കബ്, മുൻ എൽ.ആർ.ഡി.മുരളിദാസ് സാഗർ, റീജണൽ സെക്രട്ടറി ഡോ.സജി കുര്യൻ, ഡിസ്ട്രിക്ട് ഗവർണർ–1 റാഹുൽ എസ്.കുമാർ, ഡിസ്ട്രിക്ട് ഗവർണർ–2 സനോജ് വർഗീസ്, ഡിസ്ട്രിക്ട് ഗവർണർ–3 ഡോ.അന്നമ്മ അലക്സ്, സോണൽ പി.ആർ.ഒ. എൻജിനീയർ തോമസ് മാത്യു, റീജണൽ ബുള്ളറ്റിൻ എഡിറ്റർ നിഷ എബി, റെജി വി.ശമുവേൽ എന്നിവർ പ്രസംഗിച്ചു.
