റാന്നി: റാന്നി വലിയ പാലത്തിൽ നിന്നും പമ്പാനദിയിലേക്കു സ്ത്രീ ചാടിയതായി സംശയം. അടൂർ മണക്കാലാ സ്വദേശിനി ആണോയെന്ന് പൊലീസ് സംശയിക്കുന്നു. ഇവർ ചാടിയതെന്നു കരുതുന്ന സ്ഥലത്ത് പാലത്തിന്‍റെ നടപ്പാതയില്‍ നിന്നും ലഭിച്ച പേഴ്സിൽ മണക്കാലാ തുവയൂർ വടക്ക് കളവേലിതെക്കേതിൽ ശിവശങ്കര പിള്ളയുടെ ഭാര്യ ജയലക്ഷ്മി (48) എന്ന മേൽവിലാസമാണ് പേഴ്സിൽ നിന്നും ലഭിച്ചത്. ഈ മേൽവിലാസക്കാരിയെ ഇന്നു രാവിലെ എട്ടര മുതൽ കാണാനില്ലെന്ന വിവരം പൊലിസ് അന്വേഷണത്തിൽ വ്യക്തമായിട്ടുണ്ട്. അതേസമയം
നദിയിൽ ചാടിയത് ഇവർ തന്നെയാണോ എന്ന് സ്ഥിരീകരണമില്ല. റാന്നി പൊലീസും അഗ്നിശമന സേനയും സ്ഥലത്തെത്തിയിട്ടുണ്ട്.നദിയില്‍ അതിശക്തമായ ഒഴുക്കും ചെളി കലര്‍ന്ന വെള്ളവുമായതിനാല്‍ തിരച്ചില്‍ അസാധ്യമാണ്.
