പത്തനംതിട്ട: ആറന്മുള ഇലന്തൂരിൽ ധനസമ്പാദനത്തിനായി രണ്ട് സ്ത്രീകളെ ദുർമന്ത്രവാദം നടത്തി കൊലപ്പെടുത്തിയ സംഭവം പൈശാചികമാണെന്ന് വിമൻ ഇന്ത്യ മൂവ്മെന്റ് പത്തനംതിട്ട ജില്ലാ പ്രസിഡന്റ് . രണ്ട് സ്ത്രീകളെ കൊന്ന് കഷ്ണങ്ങളാക്കി കുഴിച്ചിട്ട സംഭവം അത്യന്തം ക്രൂരവും നീചവുമാണ്. തിരുവല്ലയിലെ ദമ്പതികൾക്ക് വേണ്ടിയാണ് പെരുമ്പാവൂരിൽ നിന്നുള്ള ഏജന്റ് കാലടിയിൽ നിന്നും കടവന്ത്രയിൽ നിന്നുമുള്ള സ്ത്രീകളെ കടത്തി നരബലി നടത്തിയതാണെന്നാണ് പുറത്തുവരുന്ന വിവരം. സംഭവത്തിൽ ദുരൂഹതയുണ്ട്. അതിനാൽ മുഴുവൻ ഗൂഢാലോചനകളും പുറത്ത് കൊണ്ടു വരണമെന്നും എല്ലാ പ്രതികളെയും അറസ്റ്റ് ചെയ്ത് മാതൃകാപരമായി ശിക്ഷിക്കണമെന്നും അവർ പറഞ്ഞു.
