മാന്നാര് : തൊഴിലുറപ്പ് മേറ്റും കുടുംബശ്രീ എ.ഡി.എസ് അംഗവുമായ വീട്ടമ്മക്ക് നേരെ ആക്രമണം. കുട്ടമ്ബേരൂര് 13-ാം വാര്ഡ് പ്ലാമ്മൂട്ടില് പരേതനായ സേവ്യറിന്റെ ഭാര്യ രേണുകയെയാണ് (65) ഭര്തൃസഹോദര പുത്രന് വെട്ടി പരിക്കേല്പ്പിച്ചത്. കുട്ടമ്പേരൂര് ആറിന്റെ തീരത്ത് തൊഴിലുറപ്പു പദ്ധതിയില് ജോലിയിലായിരുന്ന ഇവര് ഉച്ചക്ക് വീട്ടില് പോയി ഭക്ഷണം കഴിച്ച് മടങ്ങുമ്പോഴാണ് സംഭവം. എസ്.കെ.വി ഹൈസ്കൂളിന് സമീപം പമ്പ ഇറിഗേഷന് കനാലിന്റെ അക്വഡക്ടില് പതിയിരുന്ന പ്രതി വയറിലും നെഞ്ചിലും കുത്തുകയും തലക്കടിച്ചു പരിക്കേല്പ്പിക്കുകയുമായിരുന്നു. ഒപ്പമുണ്ടായിരുന്നവര് ഓട്ടോയില് മാവേലിക്കര ജില്ലാ ആശുപത്രിയിലും തുടര്ന്ന്, വണ്ടാനം മെഡിക്കല് കോളജിലും പ്രവേശിപ്പിക്കുകയായിരുന്നു. പ്രതിയെ കോടതിയില് ഹാജരാക്കി.
