80 വയസ്സുകാരിയെ കോടാലികൊണ്ട് വെട്ടിപ്പരിക്കേല്‍പ്പിച്ച കേസില്‍ ചെറുമകനെ പോലീസ് പിടികൂടി

കുണ്ടറ : 80 വയസ്സുകാരിയെ കോടാലികൊണ്ട് വെട്ടിപ്പരിക്കേല്‍പ്പിച്ച കേസില്‍ ചെറുമകനെ പോലീസ് പിടികൂടി. ഇളമ്പള്ളൂര്‍, തൈക്കാവ് മുക്ക് കനാലിനു സമീപം തുണ്ടുവിള വീട്ടില്‍ ഷെഫീക്ക് (25) നെയാണ് കുണ്ടറ പോലീസ് പിടികൂടിയത് .24 ന് വൈകിട്ട് അഞ്ചിനായിരുന്നു കേസിനാസ്പദമായ സംഭവം നടന്നത്. വീടിനു മുന്നിലിരിക്കുകയായിരുന്ന വൃദ്ധയെ ഷെഫീഖ് കോടാലികൊണ്ട് വെട്ടുകയും പിന്നീട് കത്തിയുമായെത്തി ആക്രമിക്കുകയും ചെയ്തുവെന്ന് പോലീസ് പറഞ്ഞു. തലയ്ക്കുനേരേ വെട്ടിയത് ഒഴിഞ്ഞുമാറിയതുകൊണ്ട് ചെവിയുടെ വശത്തായി കൊള്ളുകയായിരുന്നു. എന്നാല്‍,ആക്രമണം കണ്ട് തടയാനെത്തിയ മാതാവിനു നേരേയും ആക്രമണമുണ്ടായി. മുത്തശ്ശിയെയും അമ്മയെയും ആക്രമിക്കുന്നത് സമീപവാസി മൊബൈലില്‍ പകര്‍ത്തിയിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.