കല്ലമ്പലം: ചാത്തമ്പറയില് ഓട്ടോയും ബൈക്കും കൂട്ടിയിടിച്ച് യുവാവ് മരിച്ചു. ബൈക്ക് യാത്രികനായ ചത്തമ്പാറ കുന്നുവാരം സ്വദേശി സുധീര് (40) ആണ് മരിച്ചത്. നഗരൂര് – ചാത്തമ്പാറ റോഡില് ചപ്പാത്ത് മുക്കിലാണ് അപകടം നടന്നത്. ഗുരുതരമായി പരിക്കേറ്റ സുധീറിനെ പാരിപ്പള്ളി മെഡിക്കല് കോളജില് എത്തിച്ചെങ്കിലും ജീവന് രക്ഷിക്കാനായില്ല. ഓട്ടോയില് ഉണ്ടായിരുന്ന 3 പേര്ക്കും പരിക്കേറ്റു. ഇവരെ ചാത്തമ്പാറയിലെ സ്വകാര്യ ആശുപത്രിയില് പ്രവേശിപ്പിച്ചു.
