ബെംഗളൂരു : പിതാവിന്റെ കൊലപാതകിയെ മകന് കല്ല് തലയിലിട്ട് കൊലപ്പെടുത്തി. കര്ണാടകയിലെ കല്ബുര്ഗിയിലാണ് 17 കാരന് കൊല നടത്തിയത്. ദെഗലമാഡി ഗ്രാമത്തിലെ രാജ്കുമാറാണ് കൊല്ലപ്പെട്ടത്. ജയിലില് കഴിയുകയായിരുന്ന ഇയാള് അടുത്തിടെയാണ് ജാമ്യത്തിലിറങ്ങിയത്.
ജാമ്യം ലഭിച്ച ശേഷം 17 കാരന്റെ വീട്ടിലെത്തി ഇയാള് നിരന്തരം ഭീഷണി മുഴക്കിയിരുന്നു. തന്നെ അനുസരിച്ചില്ലെങ്കില് കുടുംബത്തിലെ ഒരാളെ കൂടി കൊല്ലുമെന്നും ഇയാള് ഭീഷണിപ്പെടുത്തിയിരുന്നു. കഴിഞ്ഞ ദിവസം മദ്യപിച്ചെത്തി ഭീഷണി തുടര്ന്നതോടെയാണ് 17 കാരന് ഇയാളെ ആക്രമിച്ചത്. രാജ്കുമാറിനെ പിടിച്ചുതള്ളിയിട്ട ശേഷം വലിയ കല്ല് തലയിലേക്കിട്ട് കൊലപ്പെടുത്തുകയായിരുന്നു.