ഇടുക്കി : പത്തൊന്പത് വയസുകാരി ആത്മഹത്യ ചെയ്തു. അസ്വാഭാവിക മരണത്തിന് കേസെടുത്ത പോലീസ് അന്വേഷണം ആരംഭിച്ചു. രാവിലെയോടെയാണ് പെരിയവാര എസ്റ്റേറ്റിലെ പ്രവീണിന്റെ ഭാര്യ ശ്രീജ (19) യെ വീട്ടിനുള്ളില് തൂങ്ങിമരിച്ച നിലയില് ബന്ധുക്കള് കണ്ടെത്തിയത്. രണ്ടുവര്ഷം മുമ്പാണ് ശ്രീജ അതേ എസ്റ്റേറ്റിലെ സമീപവാസിയായ പ്രവീണിനെ വിവാഹം കഴിച്ചത്. കുറച്ചുനാള് സന്തോഷത്തോടെ കഴിഞ്ഞ ഇരുവരും പിന്നീട് രസത്തിലായിരുന്നില്ലെന്ന് നാട്ടുകാര് പറയുന്നു. മാസങ്ങള് കഴിഞ്ഞതോടെ പ്രവീണിന് സംശയരോഗം ഉണ്ടായിരുന്നെന്നും തുടര്ന്ന് ഇരുവരും തമ്മില് വക്കേറ്റവും വഴക്കും നടന്നുവെന്നും ബന്ധുക്കള് ആരോപിക്കുന്നു.
മാനസികമായ അസ്വസ്തത കാട്ടിയിരുന്ന യുവതിയെ സ്ത്രീധന പ്രശ്നങ്ങളെ ചൊല്ലിയും ഭര്ത്താവ് ഉപദ്രവിക്കുമായിരുന്നെന്ന് ബന്ധുക്കള് പറഞ്ഞു. വീട്ടില് ആരുമില്ലാത്ത സമയം നോക്കിയാണ് യുവതി ആത്മഹത്യ ചെയ്തത്. മൂന്നാര് പോലീസ് അന്വേഷണം ആരംഭിച്ചു. യുവതി ആത്മഹത്യ ചെയ്തതാണെന്നാണ് പോലീസിന്റെ പ്രാഥമിക നിഗമനം. എന്നാല് മനസിക പീഡനത്തെക്കുറിച്ചും, സ്ത്രീധന പ്രശ്നങ്ങള് വല്ലതുമുണ്ടോയോ എന്നതിനെ കുറിച്ചും കൂടുതല് അന്വേഷണം നടത്തിയാലെ പറയാന് കഴിയുകയുള്ളൂ എന്ന് പോലീസ് അറിയിച്ചു.